أهمية تحديد الهدف في الحياة وأثره في توجيه السلوك

نص الفقرة — تفريغ آلي

نتائج من التفريغ الآلي — قد تحتوي على أخطاء

لانهم لم يحددوا هدفهم في الوجود. لان كل حركه تعرف انها حركه كويسه او حركه غير كويسه ليه؟ إذا إذا كانت الحركه هتوديك لهدفك تبقى كويسه، هتبعدك عن هدفك تبقى بطاله، إذا الهدف هو اللي يحدد ولا لأ؟ لازم الهدف يحدد. التلميذ اللي بيروح المدرسه هدفه إيه؟ إنه يتخرج يبقى كذا. مش ده هدفه؟ يبقى ما دام الهدف ده وبعد ذلك نشوف سلوكه يقربه له الهدف ولا يبعده عن الهدف؟ مجتهد يبقى بيقرب له الهدف. يلعب ويكسب يبقى بيبعد عنه الإيه؟ يبقى لازم نحدد إيه؟ الهدف فآفة الناس أنهم لا يحددون هدفهم. لذلك يعتبرون غير الهدف هدفا. ومادام بيعتبر غير الهدف هدف يبقى لازم حركته تتلخبط ولا لا؟ فالذي يعتبر أن الحياة هي الهدف عايز يحقق لنفسه أكبر قدر من اللذة فيها. مادام هي الهدف. واللي عارف أن الحياة دي ماهيش الهدف بل الحياة مرحلة. يقوم يشوف طب والهدف ايه؟ الهدف لقاء الله والاخره. يقوم لما يعمل هيعمل للهدف. لكن الثاني اللي قال لك ما فيش الا الدنيا بس هي دي ما فيش مش هنروح لا هنا ولا هنا هي الدنيا، يبقى معذور في انه يقبل على ما تشتهيه نفسه ولا لا؟ ويبعد عما يتعبه ولا لا؟ ولذلك اذا كان لكن اذا كان عارف الهدف مش هنا والهدف في حاجه ثانيه كان يعمل ايه؟ كان يسعى للهدف، اذا اللي بيخسر سلوك الناس جهلهم بالهدف. جهلهم بالهدف. حين يوجد الهدف نقوم نعرف ان العمل الذي يقربه من الهدف يبقى ده الخير، واللي يبعد عن الهدف او يخلي الهدف غير صالح يبقى ده هو الايه؟ هو الشر.

موضوعات هذا المقطع (6)

1. مفهوم الصراط المستقيم ومثل مركز الدائرة في اجتماع الخلق على العبودية · 0:00
2. دعوة الرسل وطبيعة التكاليف الإلهية بين الأمر والنهي · 3:41
3. أهمية تحديد الهدف في الحياة وأثره في توجيه السلوك · 5:41
4. فهم حكمة الموت والابتلاء في ضوء الغاية الأخروية · 7:44
5. سؤال حول خطاب مريم وفلسفة وضع الأسماء في التفاهم البشري · 9:35
6. أسرار التذكير والتأنيث في القرآن وسر قوله «واركعي مع الراكعين» · 11:58