بيان معنى {واتبع ملة إبراهيم حنيفا} وكونه أمة

نص الفقرة — تفريغ آلي

نتائج من التفريغ الآلي — قد تحتوي على أخطاء

شوف بقى شوف العظمة بقى اللي جاية ومن أحسن دينا ممن أسلم وجهه لله وهو محسن واتبع ملة إبراهيم حنيفا ملة إبراهيم اشمعنى يعني ملة إبراهيم دي قام قال لك لأن إبراهيم ده بيقولوا إيه في القرآن قال عليه إن إبراهيم كان أمة. الله أكبر. إبراهيم كان إيه؟ أمة. أمة يعني إيه؟ يعني جامعًا لكل خصال الخير التي لا تكاد تجتمع في فرد إلا إن وزعت الخصال في أمة بحالها. يبقى ده فيه كذا وده كذا وده كذا وده كذا وده شجاع وده صادق وده حليم وده عالم وده كريم وده الله الله الله. يبقى ما فيش واحد يجمع الإيه؟ الأمة. إلا إذا جمعتها من مين؟ من أمة، يعني كل حتة في واحد. لكن إبراهيم لوحده كان إيه؟ كان أمة. إن إبراهيم كان إيه؟ كان أمة. واتبع ملة إبراهيم حنيفا. إحنا قلنا إن الملة هي الديانة. حنيفا قلنا برضه زمان إحنا حنيف يعني مائلا عن الباطل إلى الحق. ولذلك كانوا ناس يقول لك ده حنيف دي معناها اللغوي مائل حنيف إن إبراهيم كان إيه؟ حنيفة مائلا يعني تقول له ايوه مائل على ايه؟ هي الرسل بتيجي امتى؟ متى تاتي الرسل الى الاقوام؟ تاتي الرسل اذا طم الفساد. لان الفساد لما يكون الناس غادرين على انهم يصلحوه فيما بينهم ربنا برضه يصبر على الناس، انما اذا كان ما فيش حد يقدر يصلح بقى وطم الفساد يعمل ايه ربنا؟ يرسل رسول، اذا فلا ياتي رسول الا على ايه؟ فساد طم. يبقى لما يجي الرسول ويلاقي الفساد عام ومنتشر يقوم يميل عن الفساد يبقى الميل عن المعوج اعتدال ولا لا؟ الميل عن المعوج اعتدال.

موضوعات هذا المقطع (7)

1. بلاغة الاستفهام التقريري في قوله تعالى: {ومن أحسن دينا} · 0:01
2. دلالات لفظ 'الوجه' واستعمالاته المتعددة في القرآن الكريم · 2:07
3. معنى إسلام الوجه لله وحقيقة تفويض الأمر للخالق · 5:30
4. مقام الإحسان ومراقبة الله في قوله: {وهو محسن} · 8:45
5. بيان معنى {واتبع ملة إبراهيم حنيفا} وكونه أمة · 10:58
6. ابتلاءات إبراهيم عليه السلام وحيثيات اصطفائه خليلا · 13:48
7. المعنى اللغوي لكلمة 'خليل' وخصوصية مرتبة الخلة · 15:54