بيان الفرق بين هداية الدلالة وهداية المعونة

نص الفقرة — تفريغ آلي

نتائج من التفريغ الآلي — قد تحتوي على أخطاء

إحنا قلنا زمان إن الهداية ترد بمعان متعددة. المعنى الأول أن المقصد منها الدلالة. المقصد الدلالة. المعنى الثاني المعونة. الدلالة يدلك ولا ملوش دعوة بك. إن شئت بقى تدخل ومن شئت ما تدخلش. إنما المعونة إيه يعمل فيك إيه؟ يخليك تنهدي بالفعل. قام قال آه القرآن لما تعرض لهذه المسألة قال أما ثمود فهديناهم فاستحبوا العمى على الهدى. لو انه هداهم الهدايه الفعليه كانوا يقول استحبوا العمى على الهدى ولا دلهم بس. فكان الله دل على منهج الخير الموصل للخير كل الناس. اللي اقبل بايمان قال له ما دام اقبلت بايمان انا اعاونك في ان تزداد هنا. والذين اهتدوا ايه؟ زادهم هدى واتاهم واحنا كنا زمان ضربنا مثل مش عايزينه يغيب ولله المثل الاعلى. قلنا ان راجل المرور واقف وبعدين انت تريد تروح اسكندريه فما لقيتش اليافطه محطوطه بتاع الطريق فسالت الراجل بتاع المرور قام قال لك والله طريق اسكندريه اللي على اليمين. يبقى دلك ولا ما دلكش؟ خلاص؟ ادي مهمته. وبعدين قلت له متشكر كتر خيرك الحمد لله اللي ايه؟ اللي لقيتك هنا ويقول لك كنت تعبت ومش عارف قام لقاك انت يعني انبسطت من الحكايه دي، قام قال لك بس الطريق ده فيه عقبه في بعد كيلو متعبه شويه، انا اركب وياك اعاونك على ما تفوت من هنا. يبقى بعد الهدايه اللي هي الدلاله حصلت معونه ولا لا؟ كذلك الحق يدل الناس على الايمان وعلى المنهي، فاللي يامن به يقول له انت امنت بيا انا اساعدك بقى. وخفف عليك الطاعة ولذلك قال وإنها لكبيرة إلا على الخاشعة الخاشعة آه يدي يبقى الهداية بتعمل كام مرة؟ ما هداية معونة وهداية دلالة أما ثمود فهديناهم أي دللناهم خلاص؟ وبعد ذلك تيجي تلاقي الرسول عليه الصلاة والسلام يقول له إيه؟ صلى الله عليه وسلم يقول له إنك لا تهدي من أحببت مش كده؟ وفي آية تانية يقول له إنك لتهدي إلى صراط مستقيم يبقى نفى الهدايه عنه واثبت له الايه؟ الهدايه. يبقى اللي اثبتها له هدايه الدلاله واللي نفاها هدايه مين؟ المعونه لان المعونه كلها من مين؟ من الحق سبحانه وتعالى.

موضوعات هذا المقطع (7)

1. مثل السير والابتعاد عن الغاية في بيان الضلال البعيد · 0:00
2. مسلك المنافقين وأهل الكتاب في التردد بين الإيمان والكفر · 0:17
3. الفرق بين الإسلام والإيمان ودلالة «لمّا» اللغوية في الآية · 1:30
4. إظهار خبايا القلوب ودلالته على صدق الوحي ونبوة محمد · 3:56
5. أسباب عدم مغفرة الله لمن تكرر كفرهم وازدادوا كفرا · 6:53
6. بيان الفرق بين هداية الدلالة وهداية المعونة · 8:02
7. تفسير «ولا ليهديهم سبيلا» وختم الرسالات بنبوة محمد · 11:00