علة تسمية القمار بالميسر وأثره في تدمير توازن المجتمع

نص الفقرة — تفريغ آلي

نتائج من التفريغ الآلي — قد تحتوي على أخطاء

إنما الخمر والميسر شوف بقى الحق سبحانه وتعالى لما جه يسمي لعبه القمار طب القمار ده معناه ان اتنين واحد هيكسب وواحد ايه؟ هيخسر طب اشمعنى سماها الميسر ولا سماهاش المعسر؟ لا لأن ما فيش واحد بيقبل عليها وعنده أمل أن يخسر كل اللي بيلعبوا عنده أمل أنه ايه؟ أنه يكسب خلاص؟ يبقى ربنا جاب الاسم اللي فيه ايه؟ اللي فيه اغراء بال، اوعى تقول كده، ليه؟ قام قال لك لانك انت بتعتقد انك هتكسب. لازم برضه تعتقد انك ممكن تخسر. وإذا خسرت ولا كسبت، إن كسبت أغراك باللعب وإن خسرت أغراك أكثر بال عشان يقول لك أعوض. مش بيقولوا كده؟ وبعدين يبيع هدومه ويبيع أهله ويبيع اللي حيلته علشان إيه؟ يعوض. يعوض. واليسر منه مزهود فيه. يعني لما واحد يكسب كده 100 جنيه في قاعده يقول له ما انت كسبانهم يا عم يلا بقى فرتك لنا مثلا 50 و60 ويمكن يفرتكهم قبل ما يروح. يقول لك من غير تعب الله يبقى اذا الخساره محسوبه عليه والمكسب مش مين؟ مش له. ثم تعال بقى لعمليه قالوا يعملوها الاصحاب ويا بعض ما هو ما فيش قال ينادوا بعض عشان يلعبوا القمار. طب تنادوا بعض عشان تلعبوا القمار حبايب قوي ده انت حريص على ان تاخذ ما في جيبه وهو حريص على ان ياخذ ما في جيبه. شوف الحمق قد ايه؟ هو حريص على انه ياخد اللي في جيبك وانت حريص على انك ايه؟ قالوا يندهوا البعض بقى ويبقوا يشربوا سوا ويقعدهم ومش عارف ايه، ما تشوفوها انتوا الحكايه دي ده هو عايز ياخد وانت عايز ايه؟ وانت عايز ايه؟ انما الخمر والميسر والانصاف، وكلمه بقى ميسر قلنا ربنا سماها ميسر يعني على فرض انها ايه؟ انها يسر، فان كانت بتكسب هيغريك بالايه؟ واذا ما اغراك بالمكسب الحلال ده اللي ما فيش فيه يا مولا تعطلت قوتك في النافع ولا ما تعطلتش؟ تعطلت قوتك في النافع. طيب اللي هيخسر لك ده هيجيب منين؟ الله طب ما هو لازم له من حركه لازم له ايه؟ لازم له من حركه الحركه ما انت هتكسب منين؟ وانت لازم تفكر دي. ثم هو انت فاهم انك انت هتبان انك دايما تكسب؟ ما تقدر الثاني يا رفع. فاذا الحق سبحانه وتعالى يريد ان يضمن للناس بان لا ينتفع احد بشيء الا نتيجه كده وعمله. المجتمع بينتهي ليه؟ من ايه؟ من ان في ناس عايزه تربي دمها من عرق غيرها. تربي دمها من مين؟ لا ربنا عايز دم كل واحد من مين؟ من عرقه. علشان المجتمع يبقى فيه ايه؟ يبقى فيه توازن. ما دام المجتمع فيه توازن تبقى ما فيش فيه طاقة معطلة، طاقة متعبة ناصبة وطاقة ايه؟ ناهبة. إنما الخمر والميسر والأنصاب رجس من عمل الشيطان.

موضوعات هذا المقطع (10)

1. دلالة أداة القصر «إنما» في قوله تعالى: {إنما الخمر والميسر} · 0:00
2. معنى الرجس والعلة الاشتقاقية لتحريم الخمر · 2:08
3. مقاصد الشريعة في حفظ النفس والعقل والعرض والمال · 3:34
4. ميزة العقل البشري والبدائل مقابل غريزة الحيوان ومخاطر تغييبه · 7:24
5. علة تسمية القمار بالميسر وأثره في تدمير توازن المجتمع · 11:48
6. حقيقة الأنصاب واستقسام الجاهلية بالأزلام عند الكهنة · 15:09
7. إعمال الأسباب وحكم الاستعانة بالمسبب عند الاضطرار · 17:29
8. أقداح الميسر وقسمة الذبيحة في الجاهلية · 21:01
9. الفرق بين معصية النفس ووسوسة الشيطان في الآية · 22:42
10. دلالة الأمر بالاجتناب وسد الذرائع في تحريم الخمر · 26:02