حقيقة الغفلة وأثر انشغال بؤرة الشعور وتراكم الران

نص الفقرة — تفريغ آلي

نتائج من التفريغ الآلي — قد تحتوي على أخطاء

الغفلة هو أن تكون قد علمت شيئا ولكنك غفلت عنه. غفلت عنه ليه؟ لأنك لم تجعله دائما في بؤرة شعورك. إيه يعني في بؤرة شعورك؟ قال لك العقل يستقبل المعلومات مرة واحدة. إياك أن تظن أن في عقل بيستعم- بيستقبل المعلومات ويفهمها من مرة، وفي عقل بيستقبلها من مرتين، وفي عقل من ثلاث مرات، وفي عقل من أربعة، وفي عقل من عشرين، هو العقل زي الفوتوغرافيا، يستقبل المعلومة مرة واحدة، ولكن المهم أن يكون وقت استقبال المعلومة خاليا من غيرها، إن كان فيه غيره ما جعل الله لرجل من قلبين في جوفه، فعايز المسألة تلتقطها مرة واحدة اخلي ذهنك من غيرها. لازم المعنى الأول يتزحزح كده، ولذلك العلماء يقول لك إيه؟ دي بؤرة الشعور ودي حاشية الشعور. يبقى فيه المعلومة جت وانتقد، أنت لما تيجي تقرأ أعوذ بالله من الشيطان الرجيم، أنت بصدد بسم الله الرحمن الرحيم. ساعة ما تكون بصدد بسم الله الرحمن الرحيم يبقى لازم تخالف كل خليت من مين؟ من أعوذ بالله من الشيطان الرجيم، يعني راحت بؤرة الشعور ودي مرت كده زي المنظر ما بنشوفه دي تمر كده وتمر ان فضلت في البؤرة تيجي المعلومة الجديدة تجد البؤرة مشغولة تبقى غافلة عنها ما بتعرفهاش ولذلك قلنا إن اللي عايز يبقى يستقبل المعلومة مرة واحدة ساعة ما بيكون بصدد حاجة ينفذ ذهنه من الشيء الآخر أنت بتذاكر وأنت بتذاكر كده أوعى تيجي في بالك هتتغدى إيه النهارده؟ طب هتروح فين بعد ما تخلص مش عارف إيه؟ طب هتلبس إيه؟ الله انشغلت ذهنك بحاجة وأنت بتذاكر الحتة اللي أنت شغلت نفسك فيها بمعلومة جديدة تروح تقوم تضطر تعيد تاني علشان تصادف كل جزئية بؤرة شعور خالية، ذلك ضربنا مرة مثلا للتلميذ التلميذ مذاكرش ثم ذهب إلى الامتحان فقابله اصدقائه وقالوا له انت ذاكرت؟ يقول والله انا ما ذاكرتش، يقول له طب ده خايف، ده على الحته الفلانيه هيجي منها سؤال. السؤال هيجي كذا كذا كذا لان الناس قالوا لنا ومش عارف باي وسيله يعني. يقوم يخطف كتاب من واحد زميله ويفتح الايه؟ الكتاب هو طالع على السلم ولا داخل الحوش ولا ويقعد يدددددددد ويقفل الكتاب ويدخل يلاقي السؤال جه. يعمل ايه؟ يروح نصه زي ما عرفه. ده ما فيش ده ما يقروش الا مره واحده قال لك اه لان دي مش مره بقى لانها فرصه. مش هيقعد يفكر هياكل ايه ويشرب ايه ومش عارف هو في ايه ولا فين؟ تبقى هي مره واحده. يقول يبقى يمكن يغلب مين؟ يغلب اللي قعد يذاكر بقى له مده ومش عارف ايه ويقول لك يا اخي ازاي ده ذاكر؟ ما هي دي بقى طلاقه القدره. مش في ان الاسباب هي الفاعله، واحد طفحان الدم في المذاكره وتيجي تغيب عنه، وواحد ما ذاكرشي ويدخل كده واحد يقول له ايه؟ بروح باسكت كتابي وروح ايه المساله دي؟ تبقى دي طلاقه الايه؟ علشان ما نؤمنش بان الاسباب هي الفاعله في كل ايه؟ هي الفاعله في كل شيء بل فوق الاسباب ايه؟ فوق الاسباب مسبب. فساعة العقل بقى ما ييجي خلص العقل من المعلومه غيرها. تقوم ولذلك التلميذ الذكي اللي عايز يذاكر بجد يعمل عمليه عمليه اسمها في علم النفس عمليه الاستصحاب. ايه الاستصحاب؟ انت وانت بتذاكر القضيه امسك صفحه وذاكر الباب. استصحب انك انت هتسال نفسك عن اللي قريته في الصفحه دي وبعد ما تخلص الصفحه اقفل الكتاب طب انا قريت الصفحه دي ما هي المعلومات الجديده التي لم اكن اعلمها ثم علمتها ما هي الالفاظ التي طرات علي في هذه الصفحه وما كنتش اعرفها قبل كده ايه الافكار اللي اتصححت ليا وكنت عارفها غلط تقوم انت لما تعمل نفسك انك هتسال نفسك الاسئله دي تقوم ساعتها وانت بتطالع تعمل ايه؟ مستصحب انك ستسأل وليه الأساتذة يبقى أستاذ ناجح وأستاذ فاشل في إعطاء المعلومة؟ ليه؟ لأن الأستاذ الناجح يجي في وسط كلامه كده ويقول هي طب أنا قلت إيه يا واد أنت أوه يقوم كل تلميذ هي معد نفسه أنه يمكن ينسأل عن الجملتين اللي قالوا يقوم يتن ذهنه عامل إيه؟ إنما لما ما يعملش كده ده يسرح وهو أنت فاهم أن تلميذ يسرح عن أستاذه ليه؟ لأنه مش مربوط ذهنيا بيه إنما لو ارتبط بيه ذهنيا مسلسلة هو اللي ايه؟ اشمعنى لما بيحكوا لك حدوته؟ تقعد كده اشمعنى قاعد؟ طب وايه الفرق بين العلم والحدوته؟ طب ما هي معلومه ومعلومه انما الحدوته بتستميلك. الحدوته بايه؟ من تشويق الاستاذ يقول له طب ايه انا قلت ايه في الحته ديت؟ يقوم لما ينكسف مره ويخجل امام اخوانه مره يقوم يبقى قاعد الاستاذ عامل له كده اهو. وبعدين حتى ان ان ما سالوش الاستاذ يعمل له كده اهو. يعني اسالني اسالني انا قاعد. الله، إذا المسألة العقل لازم نخليه إيه؟ تملي، تبقى الغفلة تيجي إزاي بقى؟ الغفلة بأن لا يكون الشيء في بؤرة الشعور. أدي واحدة. وليه مش في بؤرة الشعور؟ القضايا الدينية. ما هو هيقول أن تكونوا إنا كنا عن هذا إيه؟ غافلين. أدي أول حاجة. نقول له لأنه في له شهوات بتصادم الأوامر والنواهي. ما دام له شهوات تصادم الأوامر والنواهي، يقوم الإنسان إيه؟ صاهيا عنها. يصهّم مرة في مرة يجي الران اللي ربنا بيقول كلا بل ران على ايه؟ على الرجل اه ولذلك النبي عليه الصلاة والسلام لما حدث قال نزلت الأمانة في جذل قلوب الرجال ثم نزل القرآن فعلموا من القرآن وعلموا من السنة ثم حدثنا رسول الله عن رفع الأمانة قال ينام الرجل النومة فتقبض الأمانة من قلبه ينام النومة يعني يغفل عن الحكم نعم مرة وبعدين تقبض الأمانة من قلبه فيظل أثرها مثل أثل المجد زي لذعة السيجارة كده أو لذعة النار ثم ينام النوم فتقبض الأمانة من قلبه فيظل أثرها مثل أثر المجد مش عملت علامة لا ده عملت بؤبشة وهكذا تتوالى حتى يأتي الران على الإيه القلب يبقى الغفلة بتتلصص على إيه؟ على النفس الإنسانية ليه؟ كل ما يغفل عن حاجة يجي نقطة تتحط يغفل عن حاجة كل ولكن اللي ما بيغفلش كل ما يتذكر حكم ياخد حلاوته يتن الحكم على ايه؟ ولذلك اللي اللي ربنا يخلي صدره منشرح للصلاه بعدين يبقى بعدين اما صلاش يبقى تعبان ومتضايق. ليه كده؟ اما قال لك كل ما يجي نكتت فيه نكته بيضاء كل ما يقبل على حاجه تجي له حاجه بيضاء وتنكت فيه نكته بيضاء حتى تظل على قلبيه على ابيض مثل الصفا لا تضره فتنه ما دامت السماوات والارض. والاخر اسود مرباك كالكوز مجخيا لا يعرف معروفا ولا ينكر منكرا. اذا فالغفله هي اول باب يدخل منه ايه؟ الشيطان فيجعل الانسان يتفصى عن احكام الله ادي الغفله.

موضوعات هذا المقطع (9)

1. الجمع بين آيتي يونس والبقرة في بيان أصل الأمة الواحدة · 0:00
2. تفنيد دعوى المفكرين العصريين بتدرج الإنسان من الكفر إلى التوحيد · 0:57
3. حقيقة بعثة النبيين لإنهاء الاختلاف والعودة إلى أصل الإيمان · 2:10
4. قدم البيت الحرام وأسبقية المنهج الإلهي على وجود البشر · 5:46
5. طروء الكفر على الناس وباباه: الغفلة والتقليد · 8:58
6. حقيقة الغفلة وأثر انشغال بؤرة الشعور وتراكم الران · 11:00
7. أثر تقليد الآباء والفرق القرآني بين المهتدين والمقتدين · 19:14
8. رسالة آدم عليه السلام ووجود المنهج الإلهي منذ بدء الخليقة · 22:23
9. تأخير العقاب الدنيوي وتفسير الكلمة السابقة من الله · 24:49