البدء ببسم الله وحكمة تسخير الكائنات للإنسان

نص الفقرة — تفريغ آلي

نتائج من التفريغ الآلي — قد تحتوي على أخطاء

الإنسان منا حين يقبل على عمل، العمل يتطلب تكاتف صفات متعددة. عايز قدرة وعايز علم وعايز حكمة. وعايز لطف وعايز رحمة. طب أنا هقول باسم القوي عشان عايز القوة باسم القادر عشان عايز القدرة باسم الحليم عشان عايز الحلم باسم الحكيم عشان عايز الحكمة لا. قل باسم الله تكفيك كل ذلك. الله. قل باسم الله ولذلك إيه؟ ابدأ كل عملك ببسم الله. فإن كنت عايز قدرة يجي قدرة، عايز غنى يجي غنى، عايز بسط يجي بسط، عايز كل صفات الإيه؟ الكمال. فربنا أوجزها في إيه؟ قل بإيه؟ بسم الله. لما تبتدي العمل بسم الله معنى ذلك أنك ألغيت كل حول لك موهوب من الله. الحاجة اللي بتنفعل ليك بتولع النار دي. أنت أنت عملت حركة بس، إنما هل أنت خلقت العملية دي؟ ده بسم الله الذي سخرك لي. طب تعالى للجمل كده الكبير كده. وبعدين العيل الصغير يروح إيه إيه؟ يروح شده. بإيه دي؟ ده بسم الله الذي ذللك. بسم الله الذي إيه؟ فهم لها وذللناها. فهم لها مالكون، لو لم نذللهم ما استطاعوا أن يملكوها، بدليل أن الله ترك أشياء لم يذللها لخلقه، حتى يعلمهم أنهم ما ذللوها لا بقدرتهم ولا بحيلهم ولا بعلمهم، وإنما ذللها الخالق لهم. قلنا إن الجمل الوليدة تسحبه كده وتنخخه هه وتهومه. حصل؟ طب وحتة تعبان قد كده بقى تشوفه كلنا نجري، كلنا نجري. لأن الله لم يذلله لنا لو كنا بنذلل كل أنا قلت مرة إن حتة برغوت يجيلك كده في التوب الليل وأنت نايم يخلي يجننك برغوت هادي لأن الله لم يذلله لك لكن لما ذللني خلاص يذللني ولذلك قلنا زمان الثمرة الناضجة حين تأكلها تبقى حلوة قبل ما تنضج هيه تبقى وحشة ليه؟ قال لك ده الله سبحانه وتعالى خلى نضجه في تربية البذرة بتاعتها عشان لما تاخد البذرة انت ايه؟ وتزرعها ايه؟ تطلع يبقى ضمن لك بقاء النوع، بالك لو اداك حلاوة ليها قبل ما تنضج البذرة كانت انقطعت يقوم ما يديها لكش ابدا الا بعد ما ايه؟ تنضج البذرة ان لم تقطف انت الثمرة الناضجة بعد ان ربت بذرتها تسقط لك على الارض. وتقول لك كل بقى ما انا خلاص اديت مهمتي، مهمتك ايه يا اخي؟ انني احفظ الايه؟ ولذلك قلنا زمان انظر إلى حاجة بنشوفها كلنا، تعال البطيخة واقطعها كده وبعدين شوف لبها أبيض تطلع إيه؟ وحشة نص أبيض تبقى نص وحشة، لبها أسود بقى كده وصالح إنك تاخده كده تزرعه ويطلع بقى في اسمها إيه؟

موضوعات هذا المقطع (6)

1. الفرق بين البصر والبصيرة والاستشراف في السماع والرؤية · 0:01
2. دلالة اسم الجلالة وشموله لكل صفات الكمال الإلهي · 3:43
3. البدء ببسم الله وحكمة تسخير الكائنات للإنسان · 5:48
4. شروط التكليف وعدالة التشريع الإلهي · 9:08
5. حكمة التكليفات الشرعية ومصلحة العباد فيها · 10:46
6. تفسير نفي الظلم عن الله وبيان ظلم الإنسان لنفسه · 14:32