معنى الحسبان وتفصيل النسب الكلامية الست بين الجزم وعدمه

نص الفقرة — تفريغ آلي

نتائج من التفريغ الآلي — قد تحتوي على أخطاء

ولا تحسبن الله غافلا عما يعمل الظالمون هناك ألفاظ لا تحسبن وغافلا والظالمون لا تحسبن أي لا تظنن وذلك ليست من حسب يحسب اللي هو العد ولكن من حسب يحسب أحسب الناس أي ظن الناس يبقى إذا المادة بيودي فيها حسب يحسب دي في العد وحسب يحسب ديا في الظن وقلنا أن الظن أو الحسبان نوع من أنواع النسب سبق أن تكلمنا عنها كثيرا والنسب الكلامية أي المدلول من الجملة المستفاد منها كما تقول زيد مجتهد هنا نسبنا الاجتهاد لزيد. فتبقى نسبة نسبت شيئا لشيء ويبقى كلام مفيد. النسب الكلامية تمر في ستة مراحل. المرحلة الأولى أن النسبة قد تكون مجزوما بها. أنت يا متكلم جازم بالنسبة. زيد مجتهد وجازم بها، ما حدش يزعزعك عنها. ولكن أجزمك بها يناسب الواقع؟ الواقع أن فيه زيد ومجتهد صحيح؟ ولا ما فيش؟ يبقى إذا النسبة التي جزم بها المتكلم نشوف أواقعة هي أم غير واقعة؟ فإن لم تكن غير واقعة يبقى أنت جزمت بشيء غير واقع. يبقى ده جهل. طب وإن كانت واقعة بالفعل هو فيه زيد ومجتهد يبقى مجزوم بها وواقعة. أتستطيع أن تدلل عليها أم لا تستطيع أن تدلل عليها؟ فإن لم تستطع أن تدلل عليها جزما ووقوعا يبقى ده تقليد. بتقلد غيرك فيه إيه؟ زي الطفل ما نعلمه الله أحد. ما عندوش دليل ولا عنده حاجة إنما بيلقنها من مين؟ من محبيه ومن والده ويمرن لسانه عليها. لما بيكبر يبتدي ياخد الإيه؟ الدليل. فيظل إيه؟ مقلد. يبقى النسبة مجزوم بها إن كانت غير واقعة تبقى جهل. وإن كانت واقعة أتستطيع أن تدلل عليها أم لا تستطيع؟ فإن لم تستطع أن تدلل عليها وهي مجزوم بها وواقعة يبقى أنت بتقلد غيرك اللي أنت تثق فيه. وإن استطعت أن تدلل عليها يبقى خدت العناصر بتاع العلم، يبقى ده العلم بقى. يبقى العلم هو إيه بقى؟ نسبتنا مجزوم بها وواقعة وعليها دليل. فإن كانت النسبة المجزوم بها غير واقعة هنقول له ده جاهل. طب إيه الفرق بين الجهل والأمية؟ قال لك الجاهل عار يعلم عكس النسبة. إنما الأم ما يعرفش حاجة خالص. ولذلك اللي بيتعب الناس مين؟ الجاهل ولا الأم؟ ده الأم عايز أي قضية وتقول له عليها أي خلاص. إنما الجاهل عايز تنزع منه قضية كذب وتحط له قضية إيه؟ يبقى عايز عمليتين عقليتين يبقى النسبة ان كان مجزوما بها فان كانت واقعة لها حكم وغير واقعة يبقى ده جهل واقعة ان لم تستطع ان تدلل عليها تبقى بتقلد غيرك وان استطعت ان تدلل يبقى هو ده الايه العلم يبقى ناخد العلم بقى هو ايه العلم نسبة مجزوم بها وواقعة في الكون وعليها دليل دليل والتقليد نسبة مجزوم بها وواقعة ولا تستطيع أن تدلل عليها، والجهل نسبة مجزوم بها وليست واقعة. أدي ثلاثة في المجزوم. طيب، فإن كانت النسبة غير مجزوم به نقول له برضه هتاخد ثلاث مراحل. المرحلة: يا ترى النفي والإثبات متساويين؟ يبقى ده الشك بقى. يبقى الشك إيه؟ نسبة غير مجزوم بها مستوية النفي والإثبات. ما أنتاش قادر ترجح واحدة منهم. طب وإن كنت عايز ترجح واحدة على وحدي؟ ما هو ما دام ترجح واحدة يبقى الثانية مرجوحة. فإن رجحت واحدة يبقى الظن والحسبان. والمرجوحة هي الوهم. يبقى عندنا في الكلام اللي بنتكلمه كله ست إيه نسب. تلاتة في المجزوم بها وتلاتة في غير الإيه؟ هات بقى في لا تحسبن، الحسبان هو إيه بقى؟ نسبة غير مجزوم بها إنما راجحة. إنما إيه؟ راجحة. ولا تحسبن.

موضوعات هذا المقطع (8)

1. سياق الآية وموقف قريش من نعم الله وتعزية النبي صلى الله عليه وسلم · 0:00
2. منهج الشرح وبسط الألفاظ استجابة للمستمعين · 2:26
3. معنى الحسبان وتفصيل النسب الكلامية الست بين الجزم وعدمه · 3:22
4. معنى الغفلة وتوجيه النهي وحكمة تأخير عقوبة الظالمين · 8:43
5. تعريف الظلم ومراتبه من الشرك إلى ظلم الرسول والنفس والكون · 14:00
6. الفروق الدقيقة بين العمل والفعل والقول في القرآن · 20:55
7. حكمة تأخير الجزاء إلى يوم القيامة ليجمع سائر المكلفين · 23:35
8. معنى شخوص الأبصار والفرق بينه وبين زيغها في مواقف الهول · 25:33