تعريف الظلم ومراتبه من الشرك إلى ظلم الرسول والنفس والكون

نص الفقرة — تفريغ آلي

نتائج من التفريغ الآلي — قد تحتوي على أخطاء

حنقول بقى بعد كده ولا تحسبن الله غافلا عما يعمل الظالمون الظالمون جمع ظالم. والظالم هو من اخذ حق صاحب الحق واعطاه لغيره. او اخذه ولم يعطه لغيره اخذوا لنفسه يا سيدي اخذوا كده شهوه. المهم لا يتركوا الحق لصاحبه. يبقى ده اسمه ايه؟ ظالم. يشخص الظلم بمتعلقه. فإن ظلمت في أمر عقدي يبقى شركه إيه؟ أدي الظلم الفاضح، الظلم الخيانة العظمى. وإن ظلمت في أمر آخر كبيرة وقلت لا ده صغيرة يبقى فيه سخر. وإن ظلمت في حق أعطيته لواحد من الأمور السهلة دي يبقى ظلم. ولذلك ترد الأمور ومن لم يحكم بما أنزل الله فأولئك هم الكافرون، ومن لم يحكم بما أنزل الله فأولئك هم الفاسقون، ومن لم يحكم بما أنزل الله فأولئك هم الإيه؟ الظالمون، إذا إذا وجد محكوم عليه وهو واحد بأحكام متعددة فافهم أن الجهة منفكة. من لم يحكم بما أنزل الله محكوم عليه، محكوم عليه بإيه؟ الحكم متوقف على ما حكم به، فإن حكمت في عقلي ده يبقى كفر. وإن حكمت في كبيرة يبقى فسق، وإن حكمت في صغيرة يبقى إيه؟ يبقى ظلم. على الأول. نمسك بقى الظالم دول ظلموا مين؟ ما هو الظالم يقتضي مظلوم ومظلوم فين؟ فأوله الظلم العالي بقى، اللي هو الشرك ظلم عظيم ده هو ظلم القمة. ظلم الإيه؟ القمة. نقول له آه ظلم القمة دي عملوا إيه؟ قال لك انقسموا فين؟ واحد أنكر ألوهية الله ووجوده. إنما ما اداهاش لحد. يبقى ده ملحد. وواحد اداله الألوهية وخلى معاها إيه؟ ثلاث. المرحلة الأولى إنه عمل إيه؟ واحد ألحد. فالملحد ظلم الحق واجب وجوديته. آدي واحد. طب والمشرك ظلم الحق في وحدانية فردانيته. ما هو جاب وياه ناس. طب والتاني زي الأجزاء؟ ظلم الحق في ذاتية أحديته. يبقى ده الظلم الغل كبير، الظلم الكبير كام قسم؟ ثلاثة. ثلاثة. الظلم الأول إيه؟ ظلم واجبية الوجود لله، قال مفيش إله. يبقى ظلم إيه؟ واجبية الإيه؟ ظلم الله في واجبية وجوده. طيب. والتاني ظلم الله في واحدية تفرده. واحد. واللي قال ده له أجزاء ومكون من كده من شوية أجزاء، ظلم الله في أحدية ذاته. يبقى هيظلم في الوجود يا يظلم في الواحدية يا يظلم في الأحدية. ولذلك يقول بعض العارفين: "وأول حق في الوجود... أول حق في الوجود إيه؟ وجوده" هات بقى كده واول حق في الوجود وجوده. وكل حقوق الكون منه استمدت. اذا رايت اي حق في الكون يبقى من الحق الاعلى مستمدا. يبقى احفظ وياك كده ايه؟ واول حق في الايه؟ في الوجود ايه؟ وجوده. وكل حقوق الكون منه استمدت. خلاص كده؟ فلا هو في جمع مش شله كده شركاء. كما قال مشرك، ولا هو في الأجزاء. يا حسن ملتي. ولا تحسبن الله غافلا عما يعمل الظالمون، ذلك ظلم القمة وظلم العقيدة في الألوهية. وظلم آخر. هو ظلم رسول الله. ليه؟ قال لك لقبتموه امين القوم في صغر وما الامين على قول بمتهم. الله طب ما انتم كنتوا بتسموه الامين. نزعتوا منه دي ظلمته ليه؟ وكنتوا بتسموه صادق. وما قلتوش عليه مره انه ساحر. وما قلتوش مره عليه انه مجنون. ولم قلتوش عليه مره انه كاهن. الله تبقوا اولا اوصاف كانت فيه فنزعتموها منها الامانه والصدق. يبقى ده ظلم. ظلم سلب الكمال. ظلم سلب الايه؟ كان للرسول كمال قبل ان يرسل. فانتم جيتوا ظلمتوه وخذتوا منه الكمال. خلاص؟ ولم يكن للرسول نقص قبل ان يرسل فجئتم بنقص. يبقى اسمه ظلمين اتنين، ظلم ايه؟ ايجاد وظلم ايه؟ سلب. الظلم السلب ان تسلب عنه كمالا كان له. كان امينا فقلتم لا مش امين. كان صادقا فقلتم لا مش صادق. او ان لا تكون له صفه نقص. فتجيب له انت صفه في نفسك ساحر كائن مجنون قال ايه الحكايه دي؟ يبقى ده ظلم لمين؟ للرسول صلى الله عليه وسلم. حتى على وظلم للمجتمع الذي تعيشون فيه. ليه؟ لان يوم انت ما تستبد بكلمه الكفر عايز تسيطر وعايز تسود وعايز تستغل وعايز تتحكم وعايز يبقى بتظلم مين؟ بتظلم المجتمع. وشره ظلم نفسك. ليه؟ لانك انت خدعت نفسك. اديتها المتعة بسيطة كده وحرمتها من متعة ايه؟ من متعة كبيرة. زي التلميذ اللي يصحوه من النوم عشان يروح المدرسة عايز ينام. هو مدو نفسه متعة ايه؟ انه نايم. مش مسؤول عن حاجة. ونصحوه بالعافية يطلع يتسكع في الشارع ولا يقعد على قهوة ولا يقابل واحد زيه صحنوك. هو بيمتع نفسه، إنما أنت حرمتها ايه؟ بعدين هتعرف أنت حرمتها ايه؟ لما زميلك المجتهد كده يبقى له منصب وله وله وله وله وأنت قاعد محروم. يبقى أنت ظلمت نفسك ايه؟ ولكن ما ظلمناهم ولكن الناس انفسهم هم اللي بيظلموا نفسهم يبقى ده نوع من الظلم ولا لا؟ وظلم شائع في الكون كله فيما دون الانسان في الحيوان وفي الجماد وفي كله ليه؟ قال لك لانك انت حين لا تكون على منهج خالقك والكون كله مسخر لمنهج الخالق وان من شيء الا يسبح بحمده الكون بيسبح شجر بيسبح جماد بيسبح كل حاجه بتسبح وانت اللي نشد فيها يكرهك الكون ولا يحبك؟ يبقى انت ظلمت الكون. يبقى اذا الظلم عرفنا في القمه مع الله في الواسطه مع الايه؟ الرسول في المساوي مع المجتمع في الادنى مع الايه؟ مع الاجناس الايه؟ الاخرى. ولا تحسبن الله غافلا عما يعمل الظالمون.

موضوعات هذا المقطع (8)

1. سياق الآية وموقف قريش من نعم الله وتعزية النبي صلى الله عليه وسلم · 0:00
2. منهج الشرح وبسط الألفاظ استجابة للمستمعين · 2:26
3. معنى الحسبان وتفصيل النسب الكلامية الست بين الجزم وعدمه · 3:22
4. معنى الغفلة وتوجيه النهي وحكمة تأخير عقوبة الظالمين · 8:43
5. تعريف الظلم ومراتبه من الشرك إلى ظلم الرسول والنفس والكون · 14:00
6. الفروق الدقيقة بين العمل والفعل والقول في القرآن · 20:55
7. حكمة تأخير الجزاء إلى يوم القيامة ليجمع سائر المكلفين · 23:35
8. معنى شخوص الأبصار والفرق بينه وبين زيغها في مواقف الهول · 25:33