تفسير اسم الله الحي ومفهوم الحياة الشامل للكائنات

نص الفقرة — تفريغ آلي

نتائج من التفريغ الآلي — قد تحتوي على أخطاء

الله لا اله الا هو الحي القيوم الحي. دي اول صفه يجب ان تكون لذلك الاله. اول صفه يجب ان تكون لان القدره بعد الحياه والعلم بعد الحياه. تبقى كل صفه لازم تيجي بعدها ولا لا؟ اه لو كان لو كان عدم تيجي الصفات ازاي على العدم؟ الله لا اله الا هو الايه؟ الحي القيوم. ايه الحي؟ دي كلمة حي دي لما نسمعها نقول لك ما هو الحي؟ الحي ما يكون على صفة، الفلاسفة قعدوا احتاروا في تفسيرها. ما يكون على صفة يستحيل معها ألا يكون قادرا مدركا. ما دام هو على صفة مستحيل ألا يكون مع هذه الصفة قادر ولا مدرك. طيب أدي تعريف برضه في فلسفة كده ملفوفة. قام قال لك إيه؟ طيب واحد تاني يقول لك إيه؟ الحي هو الذي يكون على صفة تجعله مدركا ان وجد ما يدرك تجعله مدركا ان وجد ما يدرك يبقى لازم مدرك كانه يعني بذلك الحياه فيما يعلمه من حياتنا نحن وما دوننا كانه هو ما فيش فيه يعني نقول نقول له لا ان اردت الحياه بالمعنى الواسع بقى الدقيق اللي ما يخرش الميه تقول الحياه ان يكون الشيء على الصفه التي تبقي صلاحيته لمهمته. هذا هو التعريف. يجب ان يكون التعريف كده. الحياه هي ايه؟ يكون الحي هو الذي يكون على صفه تبقي له صلاحيته لمهمته. صلاحيته لمهمته. النبات ما دام تلاقيه بينمو كده و يبقى فيه حياه. خلاص؟ بتبقي له صلاحيه في ايه؟ لو انقطع خلاص ما عادش زي الانسان لما يموت يبقى في حياه ولا لا؟ بهذا المعنى يبقى في حياه ولا لا؟ العناصر الجامده دي لما بتيجي مع بعضها بتتفاعل ولا ما بتتفاعلش؟ التفاعل ده فرع وجود ايه؟ حياه بس مناسبه ليه؟ مش حياه زي بتاعتنا؟ اه تيجي مثلا انت ترى المرو او او اللي بنسميه احنا الزلط الناعم الاملس ده اتجده على مقدار واحد؟ واحدة قد كده وواحدة قد كده وواحدة قد كده وصغننة وصغننة ايه دي؟ ده دليل على ان دي مراحل الزلطة. لو لو استمرت في بيئتها الطبيعية ومطامره انا لا اشك ان الكبيرة دي هيجي يوم تتفتت وتبقى صغيرة صغيرة صغيرة وتيجي للتاني ويقعد يكبر يكبر يكبر. لكن لما بنخرجه ونلمع السكة الحديد خرج من ايه؟ خرج من بيئته وان كانت له صلاحية توجد ما فيش حاجة عند ربنا تنتهي نفاها ابدا. يعمل لنفسه مهمه ثانيه، نبقى ناخد منه ونعمل الرمل ونعمل مش عارف ايه ويجي ايه يبقى له مهمه ايه؟ مهمه ثانيه، مهمه ثانيه، يبقى اذا كل حاجه تكون على صفه تبقي لها صلاحيتها للمهمه يبقى فيه ايه؟ حياه، احنا ما بنجيبش الكلام ده من عندنا، احنا بنجيب الكلام ده بس بنقرا القران بإمعاء، نقرا القران بتدبر، نيجي نقول له تعالى، الحياه قابلها في القران ماذا؟ لا الهلاك هو الحياه عندنا الموت انما الحياه بالدقه؟ يقابلها الهلاك. اللي بدليل ان ربنا قال ايه؟ ليحيا من حي عن بينة؟ ها؟ ويهلك من هلك؟ يبقى الحياة مقابلة للهلاك ولا لا؟ يبقى افهمها ايه؟ الحياة مقابلة لإيه؟ للهلاك. عالقة. يبقى الحي غير هالك. مش كده؟ واللي هلك ما يبقاش حي. خلاص كده اتفهمني؟ يجي في الآخر أقول كل شيء بسورة الكل. كل شيء هالك إلا وجهه. الله كل شيء يعني ايه؟ هات اعلى الاجناس الانسان والملايكه والنباتات هتبقى هالكه ولا لا؟ معنى كل شيء هالك يبقى النبات هيهلك. ما دام هيهلك بقى يوم القيامه يبقى كان مش هالك قبل كده. يبقى كان مش هالك يبقى له حياه مناسبه له. خلاص؟ وما دام كل شيء اليست الحجاره شيئا؟ طب هتدخل في الهلاك يوم القيامه ولا ما تدخلش؟ هتدخل تبقى كانت قبل كده ايه؟ غير هالكه. والهلاك قلنا مقابله ايه؟ مقابله الحياه تبقى لها حياه، بس احنا لا احنا عمالين بنفهم الحياه بس الحس والحركه الظاهره مع ان دلوقتي اثبتوا ان الذره فيها عمليه جولان وعمليه دوران وعمليه بس احنا اللي مش فاهمين وبعدين ربنا يخلي الناس اللي بيشتغلوا في المعامل والعلم يفهمونا المسائل، انت لما تجيب المجهر كده وتحطه على ورقه من النباتات دي وتشوف الحجر والخلايا والعمليه اللي بتحصل فيها تقول ايه دي؟ ده حياه ارقى من حياتنا وادق من حياتنا. اه اذا فكل شيء له حياه ايه؟ واياك ان تظن انك انت اللي تهلكها. يعني لما تجيب انت حته حجر وتدقها علشان او تحطها في في في الفرن علشان تعمل منها جير اياك تقول انك انت اذهبت منها الحياه المناسبه لها، انت اذهبت منها حياتها كحجر صلب. وبعدين لما عملتها في الفرن ده وحطيت عليها شويه مايه بقت ايه؟ بقى تغير بقت لها حياه لتقوم بمهمه اخرى ما ينفعش فيها الحجر يبقى تقعد المسائل تتسلسل كده الى ايه؟ الى ان يصير لكل شيء في الوجود حياه تناسبه. اللي هي الصفه اللي تجعله باقي فيه صلاحيته لمهمته. صلاحيته ايه؟ لمهمته. الصلاحيه بقى للمهمه شوف المهمه بتاع الحق بقى ايه شكلها؟ الله اه تبقى هي الحياه العليا بقى. يبقى هو الحي الاعلى ولا لا؟ وحي ما تسلبش منه الحياه لان ما حدش اداله الحياه. تبقى حياته ذاتيه ولا لا؟ حياته ذاتيه يبقى الحي على اطلاقه ده الحي بقى اللي يقال له ايه؟ اللي يقال له حي. انما تقول لي على حي هو في حي انما تقدر تنشد منه الحياه. وتنتهي المساله. نقوم نقول الحي على اطلاقه هو مين؟ الله هو الحق سبحانه ايه؟ وتعالى. الله لا اله الا هو الحي.

موضوعات هذا المقطع (16)

1. دلالة اسم الله والتحدي بعدم التسمي به · 0:00
2. معنى كلمة التوحيد ودليل صدقها العقلي · 2:21
3. مفهوم العبادة وشمولها لعمارة الأرض وحركة الحياة · 7:07
4. أسماء الله الحسنى والفرق بين صفات الذات وصفات الفعل · 13:23
5. الإعراب والدلالة البلاغية للنفي والإثبات في كلمة التوحيد · 16:10
6. تفسير اسم الله الحي ومفهوم الحياة الشامل للكائنات · 19:55
7. صيغ المبالغة في حق الله وتفسير نفي الظلم في قوله وما ربك بظلام · 26:48
8. معنى اسم الله القيوم واستمداد الخلق قيامهم منه · 31:39
9. دلالة نفي السنة والنوم عن الله وشمول ملكيته للسماوات والأرض · 33:04
10. حقيقة الشفاعة المشروطة بإذن الله · 38:32
11. إحاطة علم الله بما بين أيديهم وما خلفهم · 39:54
12. إحاطة العلم الإلهي وكيفية إظهار أسرار الكون ومفاتيح الغيب · 42:50
13. قاعدة ليس كمثله شيء ونفي الزمان والمكان عن الذات الإلهية · 52:31
14. تفسير سعة الكرسي للسماوات والأرض وعظمة خلق الله · 56:20
15. تفسير لا يئوده حفظهما واسمي الله العلي العظيم · 1:03:03
16. فضل آية الكرسي وإحصاء أسماء الله وصفاته فيها · 1:03:24