مفهوم التفضيل بين الناس وتكامل المواهب وتساوي المجموع

نص الفقرة — تفريغ آلي

نتائج من التفريغ الآلي — قد تحتوي على أخطاء

انظر، خد بقى أنا اديتك قضايا نظرية، أي قضايا إيمانية، دي كذا ودي كذا ودي كذا، ونريد منك أن توجه نظرك إلى طبيعة الكون، فستجد صدق ما قلته لك، انظر كيف فضلنا بعضهم على بعض، طب فضلنا بعضهم على بعض في إيه؟ أي بعض مفضل وأي بعض مفضل عليه ما قالش فضلت الأغنياء على الفقراء. ما قالش فضلت الأصحاء على المرضى. قال فضلنا بعضهم أي بعض مفضل وأي بعض مفضل عليه. ما دام فيها عموم يبقى كل بعض مفضل في جهة ومفضل عليه في جهة أخرى. ما شاء الله. كل بعض بس الناس بتنظر إلى زاوية واحدة. التفضيل عندهم أن يبقى غني ولا فقير. نقول له لا. خد كل زوايا الحياة. خد كل زوايا ايه؟ الحياه، لان الله لا يريد اناسي مكررين، انما عايز اناسي متكاملين. لو ان كل واحد بقى مجمع مواهب ما حدش يحتاج لحد. انما انت مفضل في خصلة. ومفضل عليك في خصال كثيرة. وغيرك مفضل في ايه؟ في خصلة. ومفضل عليه في ايه؟ في خصال كثيرة. ليه؟ علشان لما يبقى انا مفضل في خصلة. ومفضل علي في خصلة يبقى أنا محتاج لمن فضلوا علي في الخصلة وغيري محتاج إلي فيما فضلت فيه يبقى ماذا يحدث؟ التحام يبقى أني ما استغناش عنك ولا أنت تستغنى إيه؟ لو كان الواحد مجمع كده كنا نستغنى عن بعض ونتقاطع نقول له لا ده لازم كل واحد يبقى مفضل في شيء ومفضول عليه في شيء الإيه؟ في شيء آخر ولذلك أخذنا قضية اجتماعية فلسفية من هذا قلنا إن مجموع كل إنسان يساوي مجموعة كل انسان. ده واخد في الصحة 10 على 10، واخد في الغنى مثلا 3 على 10، وده واخد مش عارف الجمال مش عارف كام، وواخد في الزكاة قد ايه، وده واخد في الشجاعة كام، وده كل تمسك المجموع تلاقي ده 100 وده 100 وده 100، ولا تفاضل إلا بالتقوى. إن أكرمكم عند الله أتقاكم أتقاكم، إنما كل ولذلك يجب على الإنسان أن يلزم أدبه.

موضوعات هذا المقطع (5)

1. مفهوم التفضيل بين الناس وتكامل المواهب وتساوي المجموع · 0:00
2. أمثلة واقعية على حاجة الناس لبعضهم وزوال الغرور · 2:35
3. تفسير قوله تعالى: كلا نمد هؤلاء وهؤلاء، وسنة تسخير الخلق لبعضهم · 4:45
4. المفاضلة بين نعيم الدنيا القاصر الزائل ونعيم الآخرة الخالد الدائم · 9:37
5. عموم عطاء الربوبية والاستدلال بجمال الدنيا على نعيم الآخرة · 12:18