يسر عبادة الذكر وتذكير النفس بالنعم عبر فاقديها

نص الفقرة — تفريغ آلي

نتائج من التفريغ الآلي — قد تحتوي على أخطاء

ولذلك يقول لك الذكر عبادة بلا مشقة. يعني انت لما بتصلي بتروح تتوضى وتقف وتركع وتروح ولما بتمشي تجاهد ولما بتزكي بتدي فلوس انما ذكر الله لا يحتاج الى مشقه. ولذلك الحق سبحانه وتعالى حينما يستدعي خلقه الى صلاه الجمعه يقول ايه؟ اعوذ بالله من الشيطان الرجيم هيه اذا نودي للصلاه من يوم الجمعه فاسعوا الى ذكر الله عايز ساعي. وذروا البايع عايز ايجاب للسعي وسلب للايه للتجاره مش كده؟ اذا ايه نودي للصلاه من يوم الجمعه فاسعوا الى يبقى عمل ولا مش عمل؟ وبعدين هنا ده عمل ايجابي وده عمل ايه؟ وعمل سلبي، العمل الايجابي اللي هو بنمشي والعمل السلبي انه منعني عن حاجه فيها الربح وهشتري وابيع واخذ واكسب ومش عارف ايه. فاذا قضيت الصلاه فانتشروا في الارض. وابتغوا من فضل الله. خلاص؟ بس اياكم ان تظنوا أن الله يريد أن تتذكروه ساعة الصلاة. ساعة الصلاة دي هتاخد مشقة وسعي وجري وبتاع، إنما ذكر الله مش هياخد منكم تعب. فخلي ربنا على بالك دايما. لا إله إلا الله، لا إله إلا الله. ولذلك قال له ولذكر الله أكبر. لأن أي عبادة لها ظرف موقوت تصنع فيه. إنما ذكر الله لا وقت له. ولا متعبة فيه. مفيش لا بعرق ولا أبدا كل حاجة بشوف فيها ربنا خلاص انتهت الإيه؟ يبقى اذكروا نعمة الله لأن النعمة بتواليها على النفس البشرية قد تأخذ رتابة لا تلفتك، أنت يمكن لما تصبح الصبحية ما تبصش للشمس دي. مش كده ولا لا؟ ليه؟ لأنها بقت مسألة إيه؟ بقت رتيبة عادية. قال لك لا ده أنت لازم أول ما تبص كده تشوف الكون الأول كده وأنت طالع تستنشقه تلاقي هواء جميل وتستنشقه، منظر جميل الشمس مش عارف لازم تت تفتكر دائما نعم مين؟ نعم الله نعم الله يحيد الحق سبحانه وتعالى ان يلفتك بقصد الى النعمه. فيعطيك يا صاحب النعمه خلقا اخر مسلوب النعمه. لا اله الا الله لا اله الا الله تقوم انت اللي ماشي كده على رجليك وعمال بتتبتب بيها تشوف واحد ما ايه مقعد مش قادر يمشي على رجليه. تقوم انت ساعه ما تشوفه يا سلام الحمد لله على كل شيء. لا اله الا الله تشوفه انت عينيك كويسه مفنجله كده وبعدين تشوف واحد بيقول له خد ايدي ومش عارف ايه. يبقى اذا بيلفتكم قسرا الى ايه؟ اذا فشواذ الكون وسائل ايضاح للنعم الله على خلقه. اذكروا نعمت الله عليكم.

موضوعات هذا المقطع (9)

1. حيثيات الأمر بالتوكل وجمع الخصوم في غزوة الأحزاب · 0:00
2. مفهوم النعمة والفرق بين نعم الدنيا ونعيم الآخرة · 1:06
3. حدود العقل في معرفة الإله وحتمية البلاغ عبر الرسل · 2:11
4. ملكات العقل البشري وحقيقة التذكر واستحضار النعم · 7:39
5. يسر عبادة الذكر وتذكير النفس بالنعم عبر فاقديها · 14:02
6. دلالة إفراد لفظ النعمة في قوله تعالى «وإن تعدوا نعمة الله لا تحصوها» · 16:33
7. الفرق بين المغفرة والرحمة ودلالة تذييل آيتي نعم الله · 18:28
8. تجمع الأحزاب ضد المؤمنين ونصر الله بالريح والجنود الغيبية · 23:39
9. تصوير القرآن لشدة الخوف والابتلاء وتشتت الظنون في غزوة الأحزاب · 27:15