الفرق بين المغفرة والرحمة ودلالة تذييل آيتي نعم الله

نص الفقرة — تفريغ آلي

نتائج من التفريغ الآلي — قد تحتوي على أخطاء

وحين يذكر الله النعم يقول انا ادمت عليكم نعمي حتى وان كنتم والعياذ بالله كافرين بها. فالحق سبحانه وتعالى وضع في كونه اسبابا يستفيد منها الكافر به والمؤمن به. فالذي يحسن استقبال الاسباب فيها تعطيه، واللي ما يحسنش استقبال الاسباب ما تعطيش. الحق سبحانه حينما قال وان تعدوا نعمت الله لا تحصوها زيلها في ايتين بتزييلات مختلفه. قال مره وان تعدوا نعمت الله لا تحصوها ان الله ايه؟ لغفور رحيم. لغفور رحيم. الايه الثانيه وان تعدوا نعمت الله لا تحصوها ان الانسان لظلوم كفار. مفيش تكرار. ليه؟ لان الله تكلم عن النعمه الواحده بان ما فيها من النعم لا يمكن حصرها. ادي واحده. بدليل ان كان قديما يقول لك عناصر الوجود اربعه مش حصل؟ الماء ها؟ والتراب والايه؟ والنار والهواء مش كده؟ العناصر اربعه طلعت مش عناصر ده طلعت مواد وكل عنصر فيها ماده مكون من شيء الى ان وصلت الى 113 عنصر الان. مش كده؟ يبقى اذا النعمه الواحده يبقى فيها ايه؟ نعم. والله سبحانه وتعالى لو عامل المنعم عليهم من الخلق بما يقتضيه ايمانهم وما يقتضيه كفرهم يديم على المؤمن نعمه ويسلب من الكافر نعمه ما عملش كده. ليه؟ قال لك لانه غفور رحيم. الله يرفع الله نعمه. اذا تكلم في آية عن المنعم فالذي يديم نعمه على خلقه من آثار صفة الغفران والرحمة. غفر لكم معايبكم ورحمكم. الله، إيه الغفر وإيه الرحمة؟ الغفر أن تستر الشيء القبيح عمن دونك. تستر الشيء القبيح عمن إيه؟ عمن دونك. تبقى أنت غفرت صحيح. طب والرحمة؟ أن تميل بالإحسان إلى من دونك. طب انهي اللي مقدمها؟ المغفره ولا الرحمه؟ قال لك لا، المغفره لان السلب الذنب قبل ما تيجي دي النعمه. يبقى اذا الحق يغفر اولا ثم يرحمه ايه؟ يرحمه ثانيا. زي ايه مثلا؟ قال لك مثلا انت دخلت مره فجاه على البيت كده قمت سمعت حركه مش عاديه. وبعدين رحت هنا وهنا لقيت لص واللص ده واخد نفائس وحاططها في البتاعه بتاعته وعايز يجري. مسكته قلت له ايه حكايتك؟ قعد يقول لك كذا كذا كذا يقول له طيب يا ابني انت باين من الناس طيبين ومش وشي كده ومش عارف ايه وبتاع وحاجات زي دي يلا يا ابني انا مش هسلمك للبوليس ولا اي حاجه يبقى ايه؟ سترت على القبيح قبح قبح وانت اعلى منه لو كان ادنى ما يقالش انك سترت عليه تبقى غفرت له فلا يقال للخادم انه ستر على سيده انما يقال للاعلى ستر على الادنى. وبعدين قال له يا شيخ تعالى بقى انا اولا مش هسلمك لا البوليس ولا بتاع ولا اي حاجه من دي واسمع يا ابني انت عملت كده ليه؟ والله لا خد يا ابني ال 10 جنيه دول. يبقى غفر وايه؟ غفر ورحم. غفر ستر القبيح ورحم مال بالاحسان الى من ايه؟ وعاده المغفره تسبق الرحمه. المغفره في العاده تسبق الايه؟ الرحمه. ليه؟ لان دفع الاذى قبل جلب النفع. إحنا ضربنا مثل زمان وقلنا إن في اثنين واقفين، واحد معاه حجر وعايز يذقلني بيه، وواحد معاه سله تفاح وعايز يذقلني تفاحه، وصادف إنهم الاثنين إيه؟ أنت تاخد التفاحه ولا تصد الحجر؟ تصد الحجر الأول تصد الحجر الأول، وقد يوجد العكس توجد الرحمات ثم توجد الإيه؟ توجد المفر، دخلت برضه لقيت حرامي خلاص كده وبعدين وأنت هو لقيته حاطط الشنطه و وحاطط فيها النفائس وبتاع وحاجه زي دي الا انه شاف حاجه كده كيكه ولا بتاع في البتاع وقف يا عيني ايه؟ ياكل ياكل فدخلت عليه لقيته بالشكل ده ما تنزعش كل يا ابن اللحظه كل خلص اكل الاول خلص اكل الاول يبقى انت ملت اليه بالايه؟ بالاحسان وبعدين قلت له يا رشيق روح لحالك الله يرضى عنك يبقى مره تبقى كده ومره ايه؟

موضوعات هذا المقطع (9)

1. حيثيات الأمر بالتوكل وجمع الخصوم في غزوة الأحزاب · 0:00
2. مفهوم النعمة والفرق بين نعم الدنيا ونعيم الآخرة · 1:06
3. حدود العقل في معرفة الإله وحتمية البلاغ عبر الرسل · 2:11
4. ملكات العقل البشري وحقيقة التذكر واستحضار النعم · 7:39
5. يسر عبادة الذكر وتذكير النفس بالنعم عبر فاقديها · 14:02
6. دلالة إفراد لفظ النعمة في قوله تعالى «وإن تعدوا نعمة الله لا تحصوها» · 16:33
7. الفرق بين المغفرة والرحمة ودلالة تذييل آيتي نعم الله · 18:28
8. تجمع الأحزاب ضد المؤمنين ونصر الله بالريح والجنود الغيبية · 23:39
9. تصوير القرآن لشدة الخوف والابتلاء وتشتت الظنون في غزوة الأحزاب · 27:15