حكمة القرآن في التلميح للحقائق الكونية مراعاةً لطاقة العقول وقت التنزيل

نص الفقرة — تفريغ آلي

نتائج من التفريغ الآلي — قد تحتوي على أخطاء

ولكن ايات الله في كون الله الايات التي لا تتاثر اي فائده ليك من الكون بان تعرفها او لا تعرفها. يقول لك اه العقل المعاصر لنزول الكتاب يسعها ولا ما يسعهاش؟ طب بالله لو ان رسول الله صلى الله عليه وسلم لما جه القران كده ونزل وجت ايه كده قالت ان الارض كوره والارض بتدور بالله كانوا قالوا عليه ايه؟ ده دلوقتي بيكذبوه. اما يقول لك شوف التخريف فينصرف عن شيء ويقولوا ده الكلام ده كلام ما يدخلش العقل فينصرف عن بقيه الدين. طب لما ما يعرفوش ان الارض كوره ولا الارض بتدور هينتفعوا بها ولا ما ينتفعوش؟ زي ما هو اللي بينتفع بالكهرباء وهو بدوي ريفي لا يعرفه شيئا بينتفع بالكهرباء ولا ما بينتفعش؟ لما بيجي كده وبيعمل مسجل وبيعمل تلفزيون وبيعمل انما هل هل يعرف لماذا اذا عمل كده بتيجي مش عارف ايه؟ ما يعرفش حاجه من دي ابدا عدم معرفته بها منعه ان يفيد منها؟ لا ما منعهوش كذلك انا ان ما عرفتش ان الارض كوره ما عرفتش ان الارض بتدور ما عرفتش ان ان البخار بيتكاثف في السماء ومش عارف ايه وبعدين افرض ان ما عرفتش ديت بستفيد منها ولا ما بستفيدش؟ وهل وهل الاستفادة منها على قدر المعرفة؟ أبداً. فالآيات الكونية في الكون التي جعل الله ناموس الكون عليها الله يعطي منها بقدر ما تتسع له العقول المعاصرة. لكنه يترك في كتابه ما يدل على ما يمكن أن تنتهي إليه العقول الطموحة بالبحوث. نقوم لما تيجي حاجة كده ونعرفها في الكون نقوم نقول يا سلام أكن القرآن أشار لها يا الله. لكن قبل كده ما ايه؟ ليه؟ لأن الناس تنقفل من ناحيتها وتكذب بل كذبوا بما لم ايه؟ يحيطوا به، يعني لو أن هو جه بقى مثلا وقال ده كل شيء في الوجود يتكاثر أو تحصل منه مثلا حاجة أزيد من الجنسين بتوعه يبقى فيه موجب وسالب وذكر وأنثي. بالله كان يصدقوا ما يعرفوش إلا في الذكر والأنثى إلا مين؟ إلا في الراجل والمرأة ويعرفوها في الحيوانات برضه وياخدوا دي الأوليك الحمراء الجاموسة صارف يلا نوديها في ايه؟ ويعرفوها في بعض النباتات زي النحل يجيبوا من الذكر يحطوا للايه؟ انما في نباتات كتير ما يعرفوش الحكايه دي وتعمل تتعمل العمليه ولا هم داريين بها. طب النخل بنجيب من ذكر نحط الانثي، طب والقمح اللي بنزرعه منه بناكل، طب تعملها انت ازاي دي؟ ما يعرفش ابدا. الذره مع ان في ذكر وايه؟ الشرشوبه اللي فوق دي فيها عنصر الذكوره. والشيشه اللي في الكوز اهو دي الحبال اللي بتنقل للانوثه. يقوم الهوا يضرب بتاعت الذره دي تروح منزله الايه؟ على الشوشه، تقوم الشوشه تاخد من مين؟ شوشه الذره دي اللي عامله زي الفتل الدخان دي الشرابه الشرابه دي يروح واخد منها دي تتحرك يروح منزله الطلح بتاع الذكوره على مين؟ على الانوثه، يقوم ايه؟ يجي الحب يطلع، ولذلك ان كنت واحد بقى مزارع ناصح تقوم لما تيجي تفتح كوز مثلا من الذره تقوم تلاقي حبايه ميته في وسط الحب تبص ما تلاقيش لها فتلة طالعة لفوق. ما أكن مفيش حاجة نزلت لها الذكورة. اللي انتوا تجيبوه تقولوا عليه ده سنة عجوزي، مش في حاجة كده لما تيجي تقلق يقول لك سنة عجوزي؟ سنة عجوزي يعني إيه؟ يعني القولح معلش أستر من الحبة تيتي تيتي، لا حبة هنا وحبة هنا وحبة هنا وحبة هنا والباقي إيه؟ ميت. تقوم تشوف الحكاية بتاع الميت دي تلاقي كل ميتة مالهاش حبلة فوق. يبقى كاتمه كده مفيش حد الراجل الناصح يقوم يجي للكاتم دي ويروح من فوق كده يروح عامله كده فسخه شويه لما يفسخه شويه ويغيب عنه يومين ثلاثه يلتفت يلاقي الكوز بقى ايه؟ الكوز بقى حلو اهي دي ذكوره وايه؟ انوثه الغله برضه بالشكل ده يجي الهواء يروح عامل كده ت ت ت ايه؟ يروح منزل الذكوره والانوثه الله يبقى اذا كل تكاثر له ذكوره وايه؟ وانوثه يقوم لما يجي ربنا يقول فسبحان الذي خلق الازواج كلها خلق الازواج كلها اللي يعرفوه يجيبه بالنص. مما تنبت الارض ودي عارفينه ولا مش عارفينه؟ ومن انفسكم طيب ايوه بيروح يتجوز عشان يخلف مش كده؟ ومما لا تعلمون اهي مما لا تعلمون دي دخلت بقى كل ايه؟ دخلت ايه الموجب والسالب في الكهرباء الالكترونات والمش عارف ايه بتاعت الذره كل حاجه لازم فيها ايه؟ اذا كل العلم لما بيتقدم بيديني شرح لايه كونيه لو انها جاءت في زمن رسول الله لكذبوه، ولما يكذبوه الدعوه تنتهي، وأيوه الكتاب مش جاي بس كتاب كوني، الكتاب جاي كتاب ايه؟ منهج.

موضوعات هذا المقطع (7)

1. الحكمة من التذكير بالجزاء ومفهوم تبديل جلود المعذبين في النار · 0:00
2. حقيقة الإحساس بالألم وكون المعذَّب هو النفس الواعية لا الجوارح · 2:34
3. ميزة القرآن الكريم بكونه منهجاً ومعجزة خالدة متصلة · 6:07
4. حكمة القرآن في التلميح للحقائق الكونية مراعاةً لطاقة العقول وقت التنزيل · 8:34
5. ارتداد المخترعات والنظريات العلمية إلى بديهيات الكون التي خلقها الله · 13:51
6. الإعجاز القرآني في ارتباط مراكز الإحساس بالألم بجلد الإنسان · 20:33
7. معنى اسمي الله تعالى «العزيز الحكيم» في ختام آية الوعيد · 23:56