وسطية الإسلام وجمعه بين مادية التوراة وروحانية الإنجيل

نص الفقرة — تفريغ آلي

نتائج من التفريغ الآلي — قد تحتوي على أخطاء

قد جاءكم من الله نور وكتاب مبين، يعني يا اهل الكتاب انتبهوا الى ان هذه فرصتكم، هذه الفرصه نريد ان نصفي مساله العقيده في الارض، والخلاف اللي بين الدينين اللي هو اللي سبقوا الاسلام علشان نرجع الى دين عام للناس جميعا، لان اللي مخلي ده يتعصب لده وده يتعصب لده وده يتعصب لده، احنا مش عايزين في الارض هذه الايه؟ هذه العصبيه وعايزين الحركات الانسانيه تتساند لا تتعاند. ولذلك الحق سبحانه وتعالى في سورة ايه؟ اللي قال فيها محمد رسول الله، سورة محمد رسول الله والذين معه أشداء على الكفار رحماء بينهم، شوف كيف يجمع الإسلام بين أمرينه متناقض، شدة قال لك عشان الإسلام ما جاش عشان يطبع الإنسان على أن يكون شديد لأن هناك مواقف شتى تتطلب الرحمة. ولم يطبعه على الرحمة المطلقة لأن هناك مواقف تتطلبه الشدة فلم يطبع الإنسان في قالب ولكنه جعل المؤمن ينفعل للحدث. شفت عايز شدة ولا عايز رحمة؟ أذلة على المؤمنين هه أعزة على الكافرين. يعني ما تقولش إن طبع المؤمن يبقى ذليل ولا طبعه يبقى إيه؟ عزيز بل طبعه يكيف نفسه التكييف اللي يتطلبه الإيه؟ المقرأ. يبقى مرة ذليل على ذليل للمؤمن وعزيز على مين؟ على الكافر محمد رسول الله والذين معه اشداء على الكفار جلنا بالاسلام الاسلام زي ما اقول اننا جعلناكم امه ايه؟ وسط هل الوسط يعرف بانك تعرف الطرف اليمين وبعدين الوسط وبعدين الطرف الشمال ولا تعرف الطرفين الاول؟ اه يبقى لازم تعرف مين؟ الطرفين الاول ثم تحدد مين؟ لا يعرف الوسط الا بتحديد الطرفين فاليهودية بالغت في المادية. والنصرانية بالغت في الايه؟ في الروحانية والرهبانية، ورهبانية ابتدعوها. الله. ولذلك لما سئل سيدنا عيسى عن مسألة ميراث، قال: أنا لم أبعث مهرثا. وجاء الدنيا من شحنة للطاقة الدينية. وشوف العجيب، رغم الخلاف اللي بينهم وبين بعض الخلاف الطويل العريض ده. ويختلفوا وشوف بقى هم اليهود يقولوا في المسيح إيه وفي أمه. والمعركه اللي قايمه بينهم وقضيه الصلب ومش عارف ليه، وبعدين يجوا علشان الاسلام يقوم يجي اهل الفكر عندهم قال يعملوا ايه؟ الكتاب المقدس. طب الكتاب المقدس هو ايه يا سيدي؟ اثنين العهد القديم والعهد الجديد، اشمعنى التحتم في كتاب واحد؟ طب ما كنتوا تتحدوا فيما بينكم؟ تحتموا ليه في كتاب واحد وعملتوا الايه؟ كتاب الايه؟ ده انتوا بينكم وبين بعض؟ صنع الحداد، ايه اللي خلاكم تعملوا؟ قال لك لانهم جملهم خصم عنيف عليهم الاثنين، فقال لك مش ممكن الا اننا الايه؟ لازم نلتقي ولو في عداوه هذا الدين. امم طيب لما نيجي بقى نشوف المنهج المادي والمنهج الروحاني، قال لك ساعتها تاتي لفرس تركبه ثم يشروط بك الفرس شروط لا يقوى توازنك على ان تستقبل حركته. وتخاف تقع. ما هو معنى واحد حيقع من الحصان ان توازنه ما ناسبش مين؟ ما ناسبش حركه الحصان. ماذا تصنع؟ بتمسك الايه؟ اللجام بتشكمه بهواده ولا بقوه؟ بقوه على قدر الحركه اللي عنده. وبعدين اتظل شاكما له بقوه ولا بعد ما يهبط تركيره. اذا فكل حركه زي المعاني تمام زي الماديات لها حركه مقابله لكل فعل ايه؟ اه يعاكسه يساويه ويضاده في الاتجاه لما الماديه اسرفت واليهود قالوا لن نؤمن لك حتى نرى الله ايه؟ دعوه فاسرفوا في الماديه قوي لدرجه ان المساله متعلقه بقوتهم لما كانوا في التيه ربنا بينزل عليهم المن والايه؟ السلام طب بالله بقى في أحسن من كده؟ المن ده حاجة كده تشبه يعني بتيجي على ورق الشجر يعني زي كرات كده بيضاء كده زي الندع وبعدين يجوا الصبح يهزوها دي تلاقوها في العراق وفي يهزوها كده تقوم تنزل على الملاية البيضاء زي مبلورة كده بيضاء ويجمعوها زي الحلقوم كده وبيضاء زي القشطة وحلوة زي العسل النحل يجمعوها اسمها الإيه؟ المن وبعدين يجيبوا السلوى دي الطائر طوائر الحبارة ده الكبير ده فكان ربنا بيقيتهم في في التيه بال قال له لا لا لا لا احنا مش عايزين ده لن نصبر على طعام واحد احنا عايزين مما تخرجه الارض من بقلها لما تشوف السؤال تقوم تجد اللي دعاهم الى هذا غلوهم في الامر المادي قام هو يقول لك ايه طب ما يمكن الشجر ده ما يجيبش عليه من ولا بيهزوش طب ما يمكن الطير ما يمرش احنا عايزين حاجه طمنناك ان نزرعها فيهم الايه؟ الله الله ما الغيبيات بعيده عنهم خالص مع ان من وسلوى ولا ايه الفول والعدس والمش عارف ايه، لكن هم ماديين عايزين يقول لك دي مساله يمكن تمر ويمكن ما تمرش. طب ما ده هو رزقكم بها اه طيب يقوم الماديه دي اشرفوا فيها يقوم لما الحق سبحانه وتعالى يجي يعدل النظام المادي المتطرف يقوم يعمل ايه؟ ينزل منهجيه روحانيه متطرفه. فعمل الرهبانيه دي وقال لهم انتم تبقوا كذا وشحنهم مواقيت دينيه ولا فيها حكم مادي ابدا. علشان دي تتلحم بدي وتكون ايه؟ منهج مستقيم. حصل خلاف بينهم، فكان ولابد ان ياتي دين جديد يجمع الماديه المتعقله الرزينه المتانيه والروحانيه المجنحه نفسها. دين يجيب الاثنين ويبقوا في صلب دين واحد، مش دول اتباع دول يقول لك لا بلاش دي، واتباع دول يقول لك بلاش دي، لا يبقى دين ايه؟ يبقى دين واحد. فقال لنا الحكايه بتاع ايه؟ محمد رسول الله. ها؟ والذين معه أشداء على الكفار رحماء بينهم تراهم ركعًا سجدًا يبتغون فضلًا من الله ورضوانًا سيماهم في وجوههم من أثر السجود دي إيه كده؟ دي كلها إيه؟ كلها قيم تعبدية ركع سجد سيماهم إيه؟ يبتغون فضلًا من الله سيماهم في وجوههم من أثر السجود ادي الكلام، ادي الكلام، يبقوا دول ماديين ولا ولا روحانيين؟ روحانيين، ذلك مثلهم في التوراة اللي هي المادية، كأن الله ضرب في التوراة مثلا لأمة محمد صلى الله عليه وسلم، يا من أسرفتم في المادية سيأتي رسول ليعدل ميزان العقائد والتشريع، فتبقى الأمة بتاعته مخالفة ليكوا تمام، أنتم ماديين وهم إيه؟ ركعة سجد يبتغون فضلا من الله ورضوانا سيماهم في وجوههم من اثر يعني ما فقدتموه انتم في ديانتكم المدعاه هيوجد في مين؟ هيوجد في امه محمد ذلك مثلهم في التوراه طبعان قوي ومثلهم في الانجيل ما جابش حاجه من الحاجات دي ابدا كزرع ماد صرف اخرج شطئه فازره فاستغلظ فاستوى على سوقه يعجب الذراع ليغيظ بهم الكفار. الله بقى مثلهم في التوراه ما فقد عند اليهود ومثلهم في الانجيل ما فقد عند النصارى، يبقى دين محمدا صلى الله عليه وسلم جمع بين القيم الماديه والقيم الروحيه فكان دينا وسطا بين الايه؟ بين الاثنين، وما دام ما ينعرفش الوسط الا بالطرفين فبعد ان تكلم عن اليهود هنا وتكلم عن النصارى ثم جمعهم في اهل الكتاب جاب الدين الوسط الذي لا يعرف الا بعد معرفه الايه؟ الطرفين، فقال قد جاءكم من الله نور وكتاب مبين، يعني انتهزوا الفرصه لتصححوا اخطاءكم ولتثوبوا الى رشدكم ولتستانفوا حياه صافيه تربطكم بالسماء رباطا يجمع بين دين بين دين قيمي يتطلب حركه الدنيا ويتطلب حركه الاخره، محمد رسول الله. انتهت الايه؟

موضوعات هذا المقطع (8)

1. بيان الرسول لأهل الكتاب ما أخفوه من كتبهم والعفو عن كثير · 0:00
2. الحاجة إلى النور المعنوي للقيم كالحاجة إلى النور الحسي للحركة المادية · 2:02
3. تأملات في آية النور وتمثيل الهداية وذكر الله في المساجد · 7:15
4. البرهان على صدق الرسول ودلالة إحكام الكون على الخالق · 14:23
5. تسخير مخلوقات الكون للإنسان وضرورة بعثة الرسل بالمعجزات · 17:51
6. دور التشريع الإلهي في ضبط الأهواء وترك الأمور التجريبية للدنيا · 23:11
7. دلالة النور والكتاب وشمول المنهج القرآني بالرجوع لأهل الاختصاص · 33:59
8. وسطية الإسلام وجمعه بين مادية التوراة وروحانية الإنجيل · 39:36