بلاغة الاستفهام في قوله تعالى «فهل أنتم منتهون» واستجابة الصحابة

نص الفقرة — تفريغ آلي

نتائج من التفريغ الآلي — قد تحتوي على أخطاء

انظروا الى قول الحق سبحانه وتعالى فهل انتم منتهون؟ هل انتم منتهون ديا؟ استفهام. والاستفهام طلب فهم الشيء. حين يصدر منا لبعض يبقى يصح ان واحد بيبدو يستفهم من واحد. انما لما تصدر من ربنا لينا احنا، هو ربنا عايز يفهم بقى. اه يبقى امر. جت ازاي الامر ديا؟ ازاي؟ قام قال لك فيه امر من الامر حكم لازم. وفيه امر يريده الله من المامور نفسه، هو اللي يامر نفسه. شوف الثقة في الأمر، الثقة في الأمر تقول له والله الموضوع إهمالك في دروسك هيحصل منه كذا وكذا وكذا، احتقارنا وزعلنا منك واحتقار التلامذة ليك وتأخرك وغيرك يبقى كويس ويبقى وحش، إيه بقى رأيك؟ هتنتهي عن اللعب ولا ما تنتهيش؟ كان يقدر يقول له انتهي بقى عن اللعب وتنحسم المسألة، يقول لك لا أنا مش هأمرهم، أنا هخليه هو يجيب الحيثيات كده ويسمعها، يسمعها هو اللي يحكم على نفسه. الشيء اللي انت بتعمله ده ضر كذا وضرر كذا وضرر كذا وضرر كذا وكذا هتنتهي ولا ما تنتهيش؟ يقوم هو لما يدير المساله بمقابلها يجد ان لا حل الا ان يوم يقول انتهيته، يبقى جت من مين؟ جاءت بدل ان تكون حكما من الله اصبحت حكما من المامول ودي ابلغ انواع الايه؟ ابلغ انواع الحكم ابلغ انواع الحكم ان المتكلم يلقيه بصفه سؤال فيدير المسؤول كل جواب فلا يجد الا الجواب الذي يريده السائل. الم يجدك يتيما فاوى؟ ما هم قالوا ده رب محمد قلاه ولا عادش بيسال عنه، فربنا بيقول له ايه؟ الم يجدك يتيما فاوى، بيستثمر. يقوم لما النبي يقعد يستقرئ الحكايه يقول نعم يا ربي انت وجدتني يتيم فاوت، يبقى جت من مين؟ جاءت منه هو تبقى ابلغ ولا مش ابلغ؟ ودي يسموها مشاركه المامور في علة الامر. وده ابلغ انواع الايه؟ ابلغ انواع الامر. بقول الحق سبحانه وتعالى فهل انتم منتهون؟ علم المخاطبون ماذا يريده الحق. قالوا انتهينا. يبقى هم اللي ايه؟ ولذلك قعدوا بقى يبالغوا في الانتهاء. فيجي مثلا الامام علي يقول لك ايه؟ لو وقع لو وقعت قطره منها في بحر ثم جف البحر ونبت فيه الكلى، واندلع لساني من الجوع ما قربته. هي مش مطلوب كده يعني، انما دي مبالغه في ايه؟ مبالغه في الانتهاء باقصى شروحه. وسيدنا عمر بن الخطاب بيقول لو وقعت قطره منها على يدي لحرمتها على نفسي. الله الله الله دي مبالغه في ايه؟ اذا قول الله فهل انتم منتهون؟ صداها عندهم ان يقولوا ايه؟ انتهينا، وان يؤكدوا هذا الانتهاء بغلو ومبالغه. وبقول الحق فهل انتم منتهون ان حسمت مساله الخلق.

موضوعات هذا المقطع (6)

1. حكمة تخصيص الخمر والميسر بإيقاع العداوة والبغضاء دون الأنصاب والأزلام · 0:00
2. مفهوم إرادة الشيطان وحقيقة سلطانه ووسيلته في الإغواء · 1:20
3. دلالة إيقاع العداوة والبغضاء والفرق بينهما مع الشاهد من قصة موسى وفرعون · 6:16
4. أثر الخمر والميسر في الصد عن ذكر الله وعن الصلاة · 9:57
5. بلاغة الاستفهام في قوله تعالى «فهل أنتم منتهون» واستجابة الصحابة · 13:55
6. حكمة التدرج في التشريع ومراحل تحريم الخمر في القرآن الكريم · 17:23