الإعجاز الزمني في معجزة الإسراء ومناسبته للتعبير بالرؤيا

نص الفقرة — تفريغ آلي

نتائج من التفريغ الآلي — قد تحتوي على أخطاء

الرؤيا معجزة الإسراء ذهب رسول الله إلى بيت المقدس. والذهاب إلى بيت المقدس لمسافة زمنية على الأرض. وكتير راحوا لبيت المقدس. إذا الإعجاز فيها مش إنه راح بيت المقدس. ده الإعجاز في إنه راح بيت المقدس في ليلة. يبقى الإعجاز في الزمن. الإعجاز في الزمن. ومادام الإعجاز في الزمن هم لو لو لو كانوا يشكوا في هذا ما كانوش قالوا له طب صف لنا بيت المقدس. ده ما راحش بيت المقدس، ووصف بيت المقدس ولا ما وصفوش؟ وصفه. طب امال ايه الزمن كده اختصر كده؟ قام قال لك اهو ده اللي خلاه يقول الرؤيا. ليه؟ لأن الرؤيا المنامية لا زمن لها. الرؤيا المنامية لا زمن لها. ازاي؟ العلماء اللي بيشوفوا عمل الوعي الآدمي في الإنسان، عملوا له مقاييس بالكهرباء والبتاع يشوفوا الذهن والإنسان نائم. يشتغل قد إيه؟ قال لك ما يشتغلش أكثر من سبع ثواني ويبطل، سبع ثواني ويبطل، سبع ثواني وتحكي فيه رؤية لما تقعد تحكيها يمكن تاخد لك ساعة. الله فين الزمن؟ قال لك آه، يبقى الزمن في الرؤية المنامية مالوش إيه؟ مالوش وجود، ليه؟ لأن الإدراكات الشتى اللي بتوزع إدراكات الإنسان نايمة كلها. فساعة ما تيجي الرؤية يبقى ما فيش إلا هي بس. ولذلك يقول لك ايه؟ وتمشي على عجل كده على عجل ما تخش زمن. ولذلك شوف حتى التعابير اللي فيها تعابير الفلاحي يقول لك ده فلان يفهمها وهي طايره. مش لما تقف. لا وهي يعني ايه؟ يعني سرعه ايه؟ سرعه زمن. ليه؟ لان كله مركز لايه؟ لادراك ايه؟ لادراك واحد. يبقى اذا ربنا قال وما جعلنا الرؤيه لانها تشبه الرؤيه في انها لا زمن لا زمن لها.

موضوعات هذا المقطع (12)

1. تطمين الرسول بإحاطة الله بالناس وحفظه من مكر الإنس والجن · 0:00
2. مفهوم القيومية الإلهية وخرق النواميس بطلاقة القدرة · 1:52
3. أقسام الآيات ودلالاتها في القرآن الكريم · 3:38
4. معنى إحاطة الله بالناس وبشارة النبي والمؤمنين بالنصر · 5:42
5. الخلاف في الرؤيا الفتنة وترجيح أنها الإسراء والمعراج · 11:07
6. سر التعبير بـ(الرؤيا) عن الإسراء وحكمة جعلها فتنة وتمحيصاً · 16:19
7. الإعجاز الزمني في معجزة الإسراء ومناسبته للتعبير بالرؤيا · 19:56
8. تلازم العلم والقدرة في الإحاطة الإلهية بالناس · 22:10
9. فتنة شجرة الزقوم وبيان معنى وصفها بالملعونة · 22:52
10. شبهة المستشرقين حول تشبيه طلع الزقوم برؤوس الشياطين ودحضها · 28:01
11. حكمة التخويف الإلهي وبيان كونه نعمة قبل وقوع العذاب · 34:17
12. أسباب زيادة طغيان الكافرين ودفاعهم عن سلطتهم الدنيوية · 36:28