مناقشة نظريات نشأة الأرض وتأصيل عدم إشهاد الخلق لآية البداية

نص الفقرة — تفريغ آلي

نتائج من التفريغ الآلي — قد تحتوي على أخطاء

والمجموعه الشمسيه دي ازاي جت؟ ده اصل الشمس بتدور وهي كتله ملتهبه. طيب كتر خيرك يا سيدي. ولما قعدت تدور قامت انفصلت عنها شويه حاجات. يعني طلعت منها طراطيش كده منها. ولما طلعت طراطيش بردت ولما بردت الارض بقى ابتدات صالحه للايه؟ للنبات وبعدين الحيوان وبعدين الايه؟ الانسان. والدليل على كده انك لما تدخل باطن الارض تلاقيها نار منصهره ولما يطلع بركان ولا حاجه زي ايه في ظروف يطلع نار ملتهبه كان لسه الباطن ايه؟ ملتهب نقول له طيب ما دام بقى يعني خلينا بالعقل كده ما دام هي كانت قطعه ملتهبه يا سيدي وبعدين بردت لما انفصلت عن الطاقه الحرار بتاعت الشمس بردت كل مش كل يوم تبرد شويه شويه شويه كان الاصول بقى لما بمرور السنين ايه؟ الحراره تقل وتنتهي لان في حاجه اسمه استطراق حراري يبقى برضه ما نفعتش ولما تكونوا انتوا عرفتوا كده يبقى اكنكم عرفتوا والله قال ما اشهدتهم خلق السماوات والارض ويقول بعد ذلك ايه جامعه وما كنت متخذا المضلين معنى مضل يعني ايه؟ المضل هو الذي ياخذ بيدك عن الحقيقه الى الباطل فلما يقولوا لك كلام زي ده اعرف انهم مضلين كان الله تنبأ بان مضلين هيطلعوا ويقولوا ده الحكايه صفاتها كيت وكيت وكيت وانت مالك تبحث جت ازاي ولا بتاع؟ اسمع منه هي جت ازاي وخلاص ليه؟ لان معرفتك بكيفيه الشيء لا تعني نفعك به، انت تنتفع به وان لم تفهم يا جازان. طب ما احنا انتفعنا بكرويه الارض ومش عارف ايه قبل ما نعرف انها كوره. وعملنا وقعدوا يحسبوا الكسوف قد ايه والكسوف قد ايه والاوقات والبتاع عرفناه وحسبناه. هو انت لما يجي لواحد فلاح امي ما يعرفش اي حاجه ويجيب له تلفزيون ويتعلم من الكتالوج دي الموجه الاولى والموجه الثانيه والموجه الرابعه وده عشان الصوت وده عشان البتاع بيشغله ولا ما بيشغلوش؟ طب لما شغله انتفع به ولا ما انتفعش؟ طب انتفاعه به يعني انه يعلم كيفيه تكوينه؟ اذا انت خد الكوم دي حلاوته دي كده وما تبحثش انه اتكون ازاي؟ مالكش دعوه. قاعد تاكل كده اكل شهي تقول انا مش حاطط ايدي فيه الا لما اعرف انطبخ ازاي؟ طب استنى بقى ما نبقى نفهمك بقى. يقوم يقول لك لا مش ضروري يفهم بقى. اهو اه اللي في التوراه انها جوهره وحصل لها كذا كذا والدخان طلع والباقي اتصغر بقى على الارض وانفتحوا. طيب وغير التوراه؟ ومالك القران؟

موضوعات هذا المقطع (12)

1. الفرق بين اسمي الله الواحد والأحد ودلالتهما على الوحدانية · 0:00
2. الاستدلال بآيات الكون المشهودة وتفسير مستهل آية (أولم ير الذين كفروا) · 1:26
3. دلالة الرؤية في الآية: بين الرؤية البصرية والعلمية وإخبار الله الصادق · 3:03
4. علاقة قريش باليهود ومصدر معرفتهم بخبر خلق السماوات والأرض · 7:02
5. التوجيه البلاغي لقوله (كانتا رتقا) وأسلوب التثنية والجمع في القرآن · 9:37
6. المعنى اللغوي والتفسيري للرتق والفتق في خلق السماوات والأرض · 12:42
7. ضوابط تفسير الآيات الكونية والفرق بين النظرية والحقيقة العلمية · 13:21
8. كروية الأرض ودورانها كحقيقة علمية لا تتعارض مع القرآن · 17:04
9. خطأ مطابقة الكواكب المكتشفة بالسماوات السبع وسعة الكون والمجرات · 20:08
10. مناقشة نظريات نشأة الأرض وتأصيل عدم إشهاد الخلق لآية البداية · 24:10
11. تفسير الرتق والفتق بإنزال المطر وشق الأرض بالنبات · 26:46
12. تفسير قوله تعالى (وجعلنا من الماء كل شيء حي) وشمول الحياة والمائية للموجودات · 30:00