تفسير قوله تعالى: {يلبسون من سندس وإستبرق متقابلين} والتعريب في القرآن

نص الفقرة — تفريغ آلي

نتائج من التفريغ الآلي — قد تحتوي على أخطاء

وبعدين مسك الملبس بقى. الملبس عندنا قسمين ملبس يستر العورة الضرورية وملبس تاني بتاعت الفخفخة اللي بنسميهم ايه متريشين. متريشين ليه؟ كان زمان يزينوا اللباس برجيش النعام. فمتريش ده يعني ايه؟ اللي خدنا هنا ده فلان ده متريش، يعني اللباس بتاعه فوق الايه؟ فوق العادي وفوق الايه؟ فوق الضروري. الحق لما اتكلم عن هذا الموضوع في اللباس قال ايه؟ يا بني ادم قد انزلنا عليكم لباسا يواري سواتكم يواري سواتكم، الضروري ده. ومش سيبناكم كده برضه وريشا. يعني لباس ترف بقى. بس بقى دول لباسين اثنين لباس ضروري ولباس طرفي بس ايه ولباس التقوى ذلك خير الله الله يبقى اذا في ثلاث لباسات لباس سوار العوره والباس اتريش بيه كده واطلع بيه في الاعياد وفي المواسم ومش عارف ايه وبتاع انما لباس التقوى خير من ذلك كله ليه؟ لان قصارى اللباسين الاوليين الستر والأبهة في الدنيا. إنما لباس التقوى هيعمل لي إيه؟ ستر وأبهة في الآخرة، وأيهما أدوم؟ الدنيا أم الآخرة؟ يبقى إذا ده أطول عمرًا يبقى هو ده يصاحب ليكون اللباس. ويلبسون إيه؟ من سندس. الله ده حتبقى المسألة مقاييسها مختلة، طب السندس والإستبرق؟ السندس أولًا الحرير الرقيق. والاستبرق الحرير الغليظ اللي بيبقى لامع كده احنا بنسميه ايه له اسم كده؟ ستان ايه؟ ستان مثلا بستان ستان حرير يعني له وش لامع كده الله يبقى فيه خفيف وفيه ايه؟ وفيه تقيل طبعا كلمه استبرق برضه المستشرقين وقفوا عندها استبرق دي مأخوذه من الفارسيه وأصلها استبرك يعني بالكاف احنا لما عربناها بقت استبرك. قالوا ازاي بيقول قران عربي وفيه الالفاظ دي يعني؟ السندس برضه بالفارسيه. والاستبرك برضه من الايه؟ من الفارسيه. والقسطاس من الفارسيه. الله فيقول ازاي عربي؟ ام قال لك ما معنى ان هذا عربي؟ يعني اذا نطق به العربي فهمه العربي الاخر. فلو جبنا كلمه اجنبيه وشاعت في لسانه بحيث ان لما واحد ينطقها لما نقول بنك دلوقتي كلنا نفهمها ولا ما نفهمهاش؟ أهي بنك مش عربي ويمكن أرق من كلمة مصرف اللي إحنا جايبينها له إحنا عندنا دي الله يبقى معنى ذلك أن معنى عربي أنها وإن كانت أجنبية لاكتها الألسن قبل أن ينزل القرآن فلما لاكتها وفهمها المخاطب من السامع بقت عربية ولا مش عربية؟ بقت زي الجاكت دلوقتي ونروح على الجاكت. يلبسون من سندس واستبرك. وبعدين بقى الحتة المسائل اللي ربنا محرمها على الذكور جات لهم دلوقتي الحرير الرقيق والحرير الغليظ اللي كان محرم عليهم وسايبينه للنساء مش كده؟ متقابلين. متقابلين يعني قاعدين وشهم من وش بعض دليل على الأنس. إنهم يعني مش مدين لبعض جنب، لأ، متقابلين،

موضوعات هذا المقطع (11)

1. مفهوم التقوى والوقاية من صفات الجلال الإلهي · 0:00
2. دلالة «مقام أمين» ومقومات أمان المسكن ودعاء إبراهيم عليه السلام · 1:54
3. نعيم «في جنات وعيون» بعد تحقق الأمان · 6:43
4. تفسير قوله تعالى: {يلبسون من سندس وإستبرق متقابلين} والتعريب في القرآن · 7:41
5. معنى «وزوجناهم بحور عين» واختلاف طبيعة نعيم الآخرة · 11:50
6. المقابلة بين نعيم المتقين وعذاب الكافرين بعد يوم الفصل · 15:21
7. استدراك في معنى «مقام أمين» وخصوصية أمان البيت الحرام · 20:32
8. الفرق بين الخبر الكوني والتشريعي ودفع شبهة أمان الحرم المكي · 23:51
9. بيان أوصاف السكن والجنات واللباس ومجالسة المتقين · 27:11
10. تنزيه ملذات الجنة من الحور والخمر واللبن عن منغصات الدنيا · 28:06
11. حقيقة متعة الحور العين في الجنة وأوصاف حسنهن · 33:12