مكانة المساجد بيوتا لله وشحن الإيمان في الصلاة

سورة الأحزاب · الآية 53 · تفسير سورة الأحزاب — الآية 53 · 16:23 – 18:54

نص الفقرة — تفريغ آلي

نتائج من التفريغ الآلي — قد تحتوي على أخطاء

احنا بنسمي بقى المساجد بيوت الله مش كده بنسماها بيوت الله؟ قال لك اه طيب بيوت الله دي كل مسجد بنسميه بيت الله ليه؟ لانه معمول خاص عشان تقابل فيه ربنا في نهائي الاوقات. ولذلك يصح انك انت ما تدخلش حاجه وياك كتير. اوعى تسحب الدنيا وراك كتير. ولذلك النبي دعا على كل صفقة تعقد في المسجد ألا يبارك الله فيها، لا بارك الله لك في صفقتك. وعلى كل ضالة تنشد في المسجد يا ناس أنا تهمني كذا ومش عارف لا رد الله عليك ضالتك. يقول لك ده ده انت بتيجي خمس دقايق لربنا، خمس دقايق في خمس اوقات في 25 دقيقة، ما تسحبش الدنيا وراك. وخلي اللقاء ليه؟ ما بيعطلكش عن حركة الحياة. إنما هو بيجيبك عند ربك عشان تنشحن شحنة إيمان ويقين. تخرج بها قوي في حركة الحياة. زي ما تجيب البطارية اللي فرغت وتوديها تنشحن. هل أنت لما أخذت البطارية تنشحن؟ يقال عطلت البطاريه؟ ده انا مودعها عشان تنشحن عشان لما اطلعها بقى تبقى كذا، كذلك الصنعه حين تعرض على صانعها كل يوم خمس مرات، أيبقى فيها عطب؟ ما يمكنش وانت بتعرض نفسك على ربنا خمس ايه؟ خمس مرات، يبقى اذا الهموم اللي عندك والكلام اللي هتسيبه بره عشان تدخل تاخد شحنه من الله تعينك على كل مصاعب الايه؟ الحياه، ولذلك النبي بيقول اذا عجبك انت افزع الى الصلاه روح لربك الله اعطى الكون اسبابا فإذا عزت الاسباب عليك ولم تفدك بشيء سيب الاسباب بقى وروح لمين؟ وروح للمسبب طب هذا بيت الله باختيار خلق الله طب البيت الثاني البيت الكبير اللي بنروح نحج له قال لك ده بيت الله بس باختيار الله يبقى لما تروح له بقى في العمر مره قام قال لك ده دي تبقى كافيه في انها تعدل حياتك كلها ليه؟ لأنك أنت هتروح بيت ربنا في البيت اللي عمله هو. ولذلك كان بيت الله باختيار الله قبلة لبيوت الله باختيار خلق الله. ما شاء الله.

نص الفقرة — تفريغ آلي

موضوعات هذا المقطع (21)