الفرق بين معاني الألفاظ المفردة والنسب الكلامية

نص الفقرة — تفريغ آلي

نتائج من التفريغ الآلي — قد تحتوي على أخطاء

سماعون للكذب. سماعون للكذب، احنا قلنا الكذب هو ايه؟ احنا قلنا ان الالفاظ اللغويه فيها الفاظ اسمها الفاظ مفرده. مفرده اللي انت بتروح لها في القواميس. تبقى مثلا عايز كلمه غريبه عليك سجنجل، تقوم تفتح القاموس، تقول سجنجل يعني ايه؟ يقول لك السجنجل ده يعني البنور. ايه؟ يجي مثلا الصفا والمروه، مروه يعني ايه؟ تروح تكشف عليها، تبقى تعرف معنى اللفظ بعيد عن النسبه. يبقى اول عمل اللغه ايه؟ ان تعرف معاني الالفاظ بعيدا عن نسبتها. مش كده؟ السماء تعرف السماء يعني ايه اللي على الارض بس، انما السماء مالها ايه؟ مصحيه؟ مغيمه؟ ما ما قلناش. يبقى اذا ان تعرف معنى الايه؟ معنى اللفظ مفردا بدون نسبه تنسب اليه، لا اثباتا ولا نفعا. كلمه الجو تقوم ساعة ما تعرف الجو هو هو ما يحيط بك إما من الهواء وإما من مجموعة الأشياء التي تحيط بك، اسمه جو، إنما الجو ماله؟ صافي؟ ما قلناش، ملبد بالغيوم؟ ما قلناش، مكفهر؟ ما قلناش، يبقى إذا العمل اللغوي هو إيه؟ العمل اللغوي أن تعرف معنى اللفظ في مفرده، فإن أخذت مرحلة ثانية علشان تجيب اللفظ وتعمل له نسبة، يعني حاجة معقولة الجو صحو يبقى انتقلت عرفت معنى كلمة جو أول وكلمة صحو يعني إيه وبعدين قلت نسبت الصحو لمين؟ يبقى اسمها نسبة يبقى إذا فيه معاني ألفاظ هه وبعدين نسب الكلام المفيد يأتي في النسب ولا في معاني الألفاظ؟ في النسب ولا تأتي النسب إلا معرفة معاني الألفاظ مفهوم؟ الراجل اللي قال له إيه؟ ده ده الولد ده كان ولد مفنطل مفلطل يعني ايه يا اخويا؟ قال له مبكبت. هو عايز يعرف اللفظ معناها ايه؟ وبعدين ينسب له اللي هو عايزه، يبقى الأول نعرف ايه؟ معاني الألفاظ، ثم تأتي الإيه؟ النسب. النسب، النسب أن تنسب شيئاً إلى شيء، حكم يعني، يا إثبات، تقول مثلاً محمد. نعرف محمد ماله؟ نقول مجتهد. نسبنا له ايه؟ اجتهد. طب عرفت معنى مجتهد ولا ما عرفتهاش لوحده؟ نعرف معنى مجتهد لوحده مش كده؟ ومعنى محمد عرفناه لوحده، وبعدين حبانا ننسب الاجتهاد ومره ننسب عدم الاجتهاد محمد غير مجتهد يبقى نسبه ولا لا؟ اه يبقى نسبه يبقى اذا الكلام المفيد يتاتى في النسب الكلام المفيد ولذلك ان قلت لواحد محمد وسكت يقول لك ايه؟ ماله ماله محمد وسكت ده ماله؟ اهي ماله دي عايزين كلام مفيد مفهوم؟ وقد تكون الإفادة بضميمة كلمة واحدة إلى ما سبقها. لما يجي واحد يقول لك من عندك؟ تقوم تقول له محمد. محمد كلمة واحدة إنما أفادت ولا لأ؟ لأنها انضمت إلى محمد عندي. مش كده ولا لأ؟ يبقى هذه الكلمة الإيه؟ الموحدة. يبقى إذا فيه نسب. النسب دي إنك أنت تنسب حكم إلى شيء. يا إيجابًا يا نفيًا.

موضوعات هذا المقطع (10)

1. الفرق بين معاني الألفاظ المفردة والنسب الكلامية · 0:00
2. مراتب النسب بين العلم والتقليد والجهل والشك والظن والوهم · 3:43
3. حقيقة الكذب والرد على شبهة كذب المنافقين في القرآن · 7:27
4. معنى السحت ومفهوم رزق الإيجاب ورزق السلب · 9:05
5. العلاقة السببية بين أكل السحت وسماع الكذب · 14:16
6. تخيير النبي في الحكم وتكرار صفات سماعي الكذب وأكالي السحت · 16:29
7. مغالطة الباطل ومثل الزبد والماء ودور الباطل كجند للحق · 21:20
8. تفسير قوله تعالى: «فإن جاءوك فاحكم بينهم أو أعرض عنهم» · 27:49
9. الفرق اللغوي والدلالي بين القاسط والمقسط · 32:22
10. ميزان الكون في الأمور الإجبارية وأثره على استقامة الأمور الاختيارية · 35:44