مراتب النسب بين العلم والتقليد والجهل والشك والظن والوهم

نص الفقرة — تفريغ آلي

نتائج من التفريغ الآلي — قد تحتوي على أخطاء

النسبة دي إحنا قلنا عليها بتنقسم قسمين هي واقعه ولا مش واقعه؟ فإن كانت النسبة واقعة بتعتقدها ولا ما تعتقدهاش؟ تقدر تقيم عليها دليل ولا ما تقدرش تقيم عليها دليل؟ إن كانت في نسبة معتقدة وواقعة وتقدر تجيب عليها دليل بقت علم دي بقت إيه؟ علم. طب وإن كانت هي نسبة برضه وواقعة وانت معتقدها بس ما تقدرش تدلل عليها. يقوم يقول لك ده تقليد بقى زي الولد ما نعلمه نقول الله احد. الولد الصغير يقول الله ايه؟ نسبنا الاحدية إلى مين؟ الله هل يقدر يقيم عليها دليل؟ يبقى بيقلد مين؟ بيقلد أبوه لحد ما يكبر وعقله ايه؟ يتنور ويتفتح يبقى ده مقلد. فإن أقمنا عليها دليلاً يبقى العلم أعلى مراتب النسب. مش كده؟ ها؟ نسبته خلاص؟ معتقده وواقعه وعليها دليل. طب إن كانت نسبة ها معتقده وواقعه ولا تقدرش تدلل عليه يبقى أنا تكليت. طيب إن كانت نسبة واقعة وغير معتقده. معتقده وغير واقعه. أنا أقول له ده الجهل بقى. ما هو ده الايه؟ الجهل، يبقى الجهل عدم معرفة شيء ولا معرفة شيء بالعكس؟ آه الجهل معرفة شيء بالعكس، إنما عدم معرفة شيء الأمية دي سهلة، تقول له النسبة وخلاص، إنما الجاهل اللي عارف نسبة بالعكس ده، أما واحد يجي يقول لك مثلا إيه؟ الأرض مبسوطة ويدافع عنها، يبقى دي نسبة ولا مش نسبة؟ يعتقدها ولا ما يعتقدهاش؟ طب وهو الواقع كده؟ يبقى ده جهل بقى. يبقى الجهل بتعرف نسبة على غير إيه؟ تعتقدها وهي غير إيه؟ اللي يدعي بالدنيا الامي ولا الجاهل؟ الجاهل. الجاهل. لان الام غلبان عنده عقل فارغ تقول له اللي انت عايزه انما الجاهل عنده نسبه فتعمل عمليتين تخلع اللي عنده من راسه وتنزل اللي ايه؟ اللي عنده الجديد يبقى ده اسمه ايه؟ ده ده ده اذا كانت النسبه واقعه طب وغير واقعه؟ ما هيش واقعه. تقوم تقول لك والله مش واقعه النفي زي الاثبات يبقى ده شك بقى بنشك فيها النفي زي الإثبات. طب وإن كانت واحدة راجحة يبقى ده الظن. والمرجوحة هي الوهم. يبقى كم نسبة دلوقتي؟ علم وتقليد وجهل وشك وظن ووهم. أدي كل النسب اللي موجودة في الكون.

موضوعات هذا المقطع (10)

1. الفرق بين معاني الألفاظ المفردة والنسب الكلامية · 0:00
2. مراتب النسب بين العلم والتقليد والجهل والشك والظن والوهم · 3:43
3. حقيقة الكذب والرد على شبهة كذب المنافقين في القرآن · 7:27
4. معنى السحت ومفهوم رزق الإيجاب ورزق السلب · 9:05
5. العلاقة السببية بين أكل السحت وسماع الكذب · 14:16
6. تخيير النبي في الحكم وتكرار صفات سماعي الكذب وأكالي السحت · 16:29
7. مغالطة الباطل ومثل الزبد والماء ودور الباطل كجند للحق · 21:20
8. تفسير قوله تعالى: «فإن جاءوك فاحكم بينهم أو أعرض عنهم» · 27:49
9. الفرق اللغوي والدلالي بين القاسط والمقسط · 32:22
10. ميزان الكون في الأمور الإجبارية وأثره على استقامة الأمور الاختيارية · 35:44