دلالة الألفاظ على المعاني والتقريب القرآني لنعيم الجنة

نص الفقرة — تفريغ آلي

نتائج من التفريغ الآلي — قد تحتوي على أخطاء

الجنة بقى قال لك الظاهر اللي فيها أساليب القرآن الذي يتكلم الله ونعرفه أن كل لفظ من ألفاظ اللغة قبل ما تتكلم به لازم تكون عارف معناه وعارف معناه بحيث تقوله عند طلبه واللي بتكلمه لازم يكون عارف ايه؟ عارف معناه تيجي لواحد ما هوش عارف القلة وتقول له هات القلة لأشرف ما يعرفش الكلة ايه يبقى لازم أنت عارف القلة معناها ايه وهو عارف الكل معناها، لازم كده. يبقى اذا التخاطب فرع ايه؟ العلم بوضع اللفظ. الالفاظ توجد اولا ثم توجد المعاني ام توجد المعاني اولا ثم توجد لها الالفاظ؟ نشوف كده التلفزيون ده قبل ما يخترع كان اسمه ايه؟ ملوش اسم. اذا لما اخترع ابتدانا نجيب له ايه؟ يبقى اذا المعنى يوجده ايه؟ اولا وبعدين يوجد له مين؟ الاسم. الاسم. فاذا وجدت لفظا في اللغه فاعلم ان هذا المعنى وجد اولا ثم وضع له اللفظ الذي ايه؟ يؤدي ولذلك هذا اقرب دليل عند من ينكرون وجود الواجب الاعلى وهو الله. نقول له الله دي في لغتك ولا لا؟ لفظ بيتكلم بيه اه حتى لما تقول الله غير موجود. ده لفظ عندك ولا مش لفظ بيه؟ طب واللفظ لا يمكن ان يوجد الا بعد ان يوجد المعنى. يبقى نطقك به دليل ان معناه موجود. يبقى اذا قولك الله غير موجود كلام باطل لان ما دام قلت الله وجبتها في لغتك كده يبقى لازم معناها ايه؟ وجد قبل وجود اللفظ والكفر طرأ على اللفظ فستره ولذلك سموا الكفر ستر. هو للستر يكون الا لموجود؟ يبقى الذي كفر عمل ايه؟ ستر موجودا. يبقى الكفر دليل الايمان ولا مش دليل الايمان؟ الكفر والا فسترت ماذا يا كافر يا ملعون؟ ما انت سترت لازم شيء موجود. ومن اين دخل لفظ الله على لغتك؟ لو لم يكن المعنى الذي يدل عليه لفظ الله موجودا قبل ان تتكلم به. يبقى لازم كده. الجنه بقى كل الفاظ القران. نبص الجنه اطلقت في القران على معاني كثيره قوي. ايود احدكم ان تكون له ايه؟ جنه بربوه. انا بلوناهم كما بلونا اصحاب الايه؟ الجنة. ااا واضرب لهم مثلا ايه رجلين جعلنا لاحدهما ايه؟ جنتين الله اذا الجنة تطلق في دنيانا على الايه؟ على المكان اللي فيه ايه؟ زروع وفيه ثمار وفيه اشياء تحجب الانسان ان دخلها او تمنع الانسان بالخير الذي فيها عن انه يروح لحته ثانية. وتطلق الجنة على فإذا اراد الله ان يبشرنا بشيء في الاخرة. يقوم يجيب الفاظ ايه؟ مش الالفاظ بتاعتنا؟ يجيب لفظ من اللي عندنا ولذلك قال اياك ان تفهم ان هذه هي الجنه. لان انا بجيب لك اللفظ اللي عندك اللي انت تعرف معناه لكن ده الجنه بتاعت ربنا فيها ما لا ايه؟ عين رات ايه؟ ولا اذن سمعت ولا خطر على قلب طب ما دام لا عين رات ولا اذن سمعت ولا خطر على قلب بشر نجيب له لفظ منين؟ طب ده اللفظ ما يوجاش الا اذا كانت المعنى المعاني موجوده يبقى مش ما يجيبلكوش لفظ يؤدي هذه المعاني يقوم يقول لك انا هديك بس تقريب كده ولذلك يقول مثل الجنة التي وعد المتقون مش شيء مثل الايه؟ الجنة التي وعد المتقون لما هم يتكلموا بقى عن الجنان الجنات في الاخرة قال لك ما هي؟

موضوعات هذا المقطع (10)

1. مفهوم الوعد والوعيد وضوابط وعد المخلوق مقارنة بوعد الخالق · 0:01
2. تفسير مبدئي لوعد المؤمنين بالجنات وقصور ألفاظ الدنيا عن حقيقة نعيمها · 3:41
3. بلاغة استخدام لفظ الوعد في حق المنافقين والمؤمنين · 10:18
4. سنة الوعد والوعيد وأثرها في استقامة حركة الكون والمجتمع · 16:00
5. الاشتقاق اللغوي للجنات وقسمتها بين أهل الإيمان · 30:08
6. دلالة الألفاظ على المعاني والتقريب القرآني لنعيم الجنة · 34:03
7. الجمع بين الجنات العامة والمساكن الخاصة وجريان الأنهار · 38:01
8. حقيقة الخلود في النعيم وتوجيه الاستثناء في آيات الخلود · 42:24
9. دلالة الإقامة في جنات عدن ونسبتها إلى قدرة المسبب · 49:58
10. رضوان الله وأنس الذات بوصفه أعظم مراتب الفوز · 53:46