الحكمة البيانية والعلمية في إفراد السمع وجمع الأبصار

نص الفقرة — تفريغ آلي

نتائج من التفريغ الآلي — قد تحتوي على أخطاء

العلماء بقى لما جم عشان يشوفوا مثلا تعبيرات الالفاظ يقول لك النظائر حين تخالف يبقى لها عله. اذا خولفت النظائر يبقى لازم في عله للمخالفه. طب السمع اله ادراك. والبصر اله ادراك. طب اشمعنى ربنا قال في آلة الإدراك دي السمع وقال في الإدراك الثانية الأبصار؟ كان يقول إيه؟ البصر السمع والبصر أو الأسماع والأبصار والأبصار. إنما خالف بالمشترك. مخالفته في المشترك دلت على أن فيه إيه؟ على أن فيه نكتة، إشمعنى جاب هنا سمع بالإفراد؟ وهنا جاب إيه؟ وكل، كل مسألة فيها سمع وبصر تلتفت تلاقي السمع مفرد والبصر إيه؟ مجموع. مفهومة ديًا؟ يبقى إذا الشيء المتفق في شيء كان يجب أن يجيء على وتيرة الإيه؟ سمع يقول إيه؟ أو أسماع أو أبصار يقول إيه؟ أسماع، لا ده قال هنا سمع وهنا أبصار واللي بيتكلم ربنا يبقى لازم لها حكمة ولا لا؟ أنا أقول لك طب خد بالك بقى عشان تعرف إن كلام موزون أنت إذا كنت قاعد وسمعت اي صوت من اي اتجاه تسمعه او لا تسمعه؟ ما الفارق بين صوت من هنا وصوت من هنا وصوت من هنا وصوت من هنا؟ يبقى ساعة ما تسمع تستطيع ان تسمع الصوت من اي جهة، لكن في رؤية العين اتستطيع ان ترى المرئية من جهة واحدة؟ لا انا مش هشوف اللي ورايا مش هشوف جمع اللي على يميني مش هشوف جمع انا هشوف بس اللي قدامي يبقى ان كنت عايز القدام يبقى له عايز عمليه، ودي عايزه عمليه، ودي عايزه عمليه، وديا عايزه عمليه. تبقى السمح يدركه اذنك من اي اتجاه بدون عمل منك. ولكن البصر لا، يبقى البصر لازم يتكرر، عايز تشوف اللي قدام له اتجاه، عايز تشوف اللي على اليمين له اتجاه، ازاي يبقى لازم ابصار وايضا فان السمح لا اختيار للانسان في ان يحجبه. يعني الودن ما فيهاش آلة بحيث إذا جاء صوت ولا مش عايز تسمعه تسك ودنك. يبقى لازم تسمعه. لكن البصر منظر مش عايز أشوفه أغمض. الله. يبقى إذا البصر مش محك ما بيتحكمش. أنت اللي تتحكم عايز تشوف ده ولا مش عايز تشوف؟ لكن السمع يبقى السمع لازم يكون عملية واحدة. ولكن الأبصار تبقى إيه؟ تبقى متعددة.

موضوعات هذا المقطع (13)

1. أسلوب الاستفهام التقريري وإلزام المشركين بالحجة في القرآن · 0:00
2. مفهوم الرزق ومصادره من السماء والأرض · 1:45
3. مراتب الإدراك الإنساني ومكانة السمع والبصر في بناء العقيدة · 2:25
4. عجائب خلق الحواس وسبب اقتصار القرآن على السمع والبصر · 7:14
5. الحكمة البيانية والعلمية في إفراد السمع وجمع الأبصار · 9:57
6. أسباب تقديم السمع على البصر ودلالة ذلك في قصة أصحاب الكهف · 13:01
7. ملكية الحواس وتفسير إخراج الحي من الميت والميت من الحي · 15:28
8. تفسير قوله تعالى «ومن يدبر الأمر» ومظاهر القيومية الإلهية · 19:28
9. إلزام المشركين بإقرارهم لله بالربوبية وبطلان عبادة سواه · 21:30
10. دلالة الأمر «قل» وأمانة النبي صلى الله عليه وسلم في البلاغ · 25:46
11. بيان أنواع الرزق المادي والمعنوي من السماء والأرض · 26:50
12. الفروق الدقيقة بين الخلق والجعل والملك وتطبيقاتها الشرعية · 27:45
13. شمولية التدبير الإلهي ووجوب تقوى الله المنفرد بالخلق والرزق · 33:05