معنى كون وعد الله حقا وثبات الحق وزوال الباطل

نص الفقرة — تفريغ آلي

نتائج من التفريغ الآلي — قد تحتوي على أخطاء

اليه مرجعكم جميعا اكدها بقوله وعد الله. ووعد الله وصفقة بانه ايه حق. طب كلمة وعد الله ديت ما كانتش تكفي؟ ما هو ما دام وعد الله يبقى ايه؟ يبقى حق. الحق هو الشيء الثابت الذي ايه؟ ينفعه. وان جاء في بعض الاوقات يخيل لك ان ان الباطل علي شوية. نقول لا ملوش ثبات. ملوش ايه؟ ملوش ثبات. ولذلك الله انزل من السماء ماء. مفهومه دي؟ فسالت اودية بقدرها. كل وادي خد من من المطر على قده. الوادي الضيق خد على قده، والواسع خد على ايه؟ الله انزل من السماء ماء فسالت اودية ايه؟ بقدرها. فاحتمل السيل زبدا رابيا. ساعة ما ينزل المطر كده على الجبال وبتاع يقوم الاشياء اللي اللي بتطفو القش والصفيح والمش عارف الحاجات دي ما هو بيغسل الزبد. فكل شيء اللي يخف يجي على ايه؟ على وش الميه، يكتسحه كده. وبعدين اوعى تفتكر انه القش ده والزبد ده هو اللي على الميه. لأن ساعة ما يجي هو صحيح نزل كده ده غسل الحتة منه، نظف نظف المكان منه. وبعدين هو يعمل ايه؟ يروح جاي على الجوانب كده الموج عامله كده والموج عامله كده والموج عامله كده أما ايه؟ أما الزبد فيذهب وأما ما ينفع الناس في.. كذلك يضرب الله الحق والباطل. كذلك الحق والباطل، اوعى لما تشوف الحق كده الباطل يعني انطمس كده اقول له لا ده الطفوله بتاعه دي عشان تنبيه جنود الحق لأن لولا وجود باطل يعض الناس ويؤلمهم ما التفت الناس إلى الحق احنا قلنا زمان إن الألم الذي يصيب الإنسان ننبه على المرض هو ده اللي نبهه للمرض يبقى الألم ايه يقول لك هنا تعبان خد بالك بقى شوية ولذلك أعنف الأمراض هو الذي لا يؤلم أولاً حتى يستفحل. فإذا ما استفحل ما يبقاش له إيه؟ ما يبقاش له إيه علاج. يبقى الألم هو وسيلة الإيه؟ كذلك الباطل. ولذلك أنت تلاحظ في الإسلام إذا أهيج الإسلام من أي عدو تلتفت تلاقي الإسلام دب في الإيه؟ دب في الناس حمية ودب فيها حركة ودب فيها تعاون ويمكن ينزل أحقاق. لكن لو ما فيش الحكاية دي أهي. ولذلك يقول لك حتى لما نخاف من مرض نقوم نطعم بنفس المرض. نطعم يبقى اذا الباطل لابد من جنود الحق ولا مش من جنود الحق؟ يبقى الباطل جندي من جنود الايه؟ والالم جندي من جنود العافيه. نعم. اليه مرجعكم جميعا وكيف لا يكون وهذا الوعد من الله ولا يكون حقا؟ طب الوعد بتقول حاجه الزمن يجيبها بعدين مش دلوقتي يعني. طيب اللي ما يخليش الوعد من الواعد يتحقق، ايه يعني؟ واحد قال كلمة كذب كذب، طب والله منزه عن ذلك، ومن أصدق من الله قيلا، تبقى حتة الكذب ايه؟ طيب أدي واحدة، طب هو مش كذاب ولا أي حاجة، قال الوعد صح، بس عمله خديعة، والله منزه عن الخديعة، ليه منزه عن الخديعة؟ لأنه أقوى مما خلق فما يخدعش يبقى لازم وعده يكون ايه؟ لازم يكون وعده حق. طيب وعدك بشيء وبعدين ما قدرش ينفذه امكانياته ما قال لك والله انا الاسبوع اللي جاي هعمل لك عزومه بقى واذبح لك فيها خروف ومش عارف ايه وهات اصحابك وعد وهو صادق في الوعد لا كذب ولا بيخدعك وصادق وبعدين على ما جه الميعاد كده ما لقاش فلوس عشان يجيب خروف. يبقى الامكانيات هي اللي خانته. طب وهل تخون الامكانيات ربنا؟ يبقى لا كذب ولا خديعة ولا إيه؟ ولا إمكانيات. إليه مرجعكم جميعا وعد الله حقه.

موضوعات هذا المقطع (15)

1. الرد على تعجب الكفار من الوحي وأحقية الله في اختيار الرسل · 0:00
2. الفرق بين مفهومي الرب والإله وعطاء الربوبية والألوهية · 7:01
3. خلق السماوات والأرض في ستة أيام ومفهوم اليوم القرآني · 10:32
4. تفسير الاستواء على العرش وتنزيه الله عن التشبيه · 16:02
5. معنى العبادة الشامل في قوله تعالى ذلكم الله ربكم فاعبدوه · 37:55
6. الفطرة الإنسانية ودلالات الكون على وجود الخالق · 39:26
7. قيومية الله ومآل العباد إليه في قوله إليه مرجعكم جميعا · 52:16
8. معنى كون وعد الله حقا وثبات الحق وزوال الباطل · 58:16
9. الاستدلال ببدء الخلق على إمكانية البعث والإعادة · 1:03:01
10. دورة المادة وعناصر الكون كشاهد على البعث بعد الموت · 1:05:39
11. الرد على شبهة الفلاسفة في تداخل عناصر الأجساد عند البعث · 1:13:10
12. الضرورة العقلية للجزاء والحساب ومعنى القسط · 1:19:00
13. دلالة الألوهية والربوبية على وجوب العبادة والامتثال · 1:20:55
14. براهين الفطرة والعقل على وجود الله تعالى ودعوة التذكر · 1:22:01
15. مراقبة الله وقيوميته الدائمة على خلقه وحتمية الرجوع إليه · 1:28:36