الفرق بين مفهومي الرسول والنبي واشتقاق النبأ

سورة الأحزاب · الآية 1 · تفسير سورة الأحزاب — الآية 1 · 13:45 – 14:45

نص الفقرة — تفريغ آلي

نتائج من التفريغ الآلي — قد تحتوي على أخطاء

ام قال لك العلماء عملوا في دي لفه شويه. قال لك الرسول هو السفير بين الله وبين خلقه ليبلغهم منهجه الذي يريد ان تسير عليه حياته. يبقى الرسول مبلغ. طب والنبي؟ ام قال لك برضه هو رسول. هو ايه؟ ما دام جاي من طرف ربنا يبقى ايه؟ رسول. بس كلمه نبي ما يبقاش مشرع بشرع جديد. ما يبقاش مشرع بل ياتي اسوه سلوكيه لشرع نبي قبله او معه. اسوه سلوكيه. اسوه ايه؟ سلوكيه. الرسول صلى الله عليه وسلم فيه الامرين. لان الرسول له خصوصيات امر بها ولم يؤمر بتبليغها. دي حته النبوه. وله اشياء امر بها وامر بايه؟ بتبليغها. يبقى فيه الايه؟ النبي وفيه ايه؟ وفيه رسول. وكل رسول نبي وليس كل نبي رسول بالمعنى الاصطلاحي والا في ناحيه مرسول من الله مرسول من الايه؟ مرسول من الايه؟ من الله. يا ايها النبي ومأخوذ من الايه؟ كلمه نون وبي تبقى نبأ. نبأ يعني خبر. خبر يعني ايه؟ قام قال لك خبر من بشر لبشر ده اكبر خبر ده لانه من خالق البشر للبشر. يبقى ده ايه ده بقى الخبر ولذلك ايه؟ عما يتساءلون عن النبأ العظيم، ايه النبأ اللي هز الدنيا دي وهز الاسماع وزلزل العروش وعمل العمليه دي؟ عما يتساءلون عن النبأ العظيم يبقى لا يقال نبأ ما يقالش خبر يعني انا شفت واحد شفت فلان النهارده ما يبقاش نبأ يبقى خبر بس، النبأ نبأ اللي فيه ايه؟ نبوه يعني فيه علو كده لانه ماخوذ من النبوه وهو الشيء العالي المستدير في وسط شيء مستورد وده صحيح بيبقى ايه؟ امر ايه يا عالم؟ يا ايها النبي اتق الله. لا اله الا الله.

نص الفقرة — تفريغ آلي

موضوعات هذا المقطع (15)