قراءتا مالك وملك وتمام الملك لله وحده يوم القيامة

سورة الفاتحة · الآية 5 · تفسير سورة الفاتحة — الآية 5 · 57:29 – 1:02:01

نص الفقرة — تفريغ آلي

نتائج من التفريغ الآلي — قد تحتوي على أخطاء

لما نيجي ننظر الى كلمه مالك يوم الدين او مالك يوم الدين هي قراءتين يعني ولذلك تلاحظوا انها مكتوبه في المصحف ميم لام كاف. وبعدين القراءه اللي تقراها ملك تبقى ماشيه. وبعدين في مادة كده اللي يقراها ايه؟ مالك. ففي قراءتين. اه اذا ادركنا سر حذف الالف هنا. علشان الشكل يخدم الاسمين. ان قراتها مالك المادة اهي. وان قراتها ملك تبقى الصورة موجودة عندك ملك. الله. فيه لما تيجي تنظر الى المسألة دي تجد إن الناس لما قالوا إيه مالك وإيه ملك؟ المالك كل واحد يبقى مالك، أنا أملك عبايتي، أملك المتاع بتاعي، أملك أي حاجة. إنما مش كل واحد ملك. يبقى الملك له تصرف على المالكين. يبقى ملك يبقى إيه؟ يبقى أعلى يعني. نقول له طب كويس أوي، لكن هو الملك ده صحيح تصرفه أعلى؟ ها؟ على المالكين، أنت مالك وهذا مالك وده مالك وده مالك وده مالك، كل واحد مالك اللي عنده. أيا كان أهو مالك. لكن لما يجي الملك يبقى على الإيه؟ على الكل. نقول له له المالك يتصرف في ملك الغير؟ ده ما يتصرفش في ملك الغير. ها؟ ما هو ما يتصرفش في ملك الغير. أنت تعرف الملك ده؟ أو الرئيس أو حاكم الدولة أو أو إلى آخره. رئيس على مين؟ رئيس على المخالف لقوانينه بس. إنما اللي مش مخالف قانونه ولا له دعوة عندي، وأنا ماله ماله؟ يعني متى يكون رئيس علي؟ مخالفه. إنما ما دام مانيش مخالفه أنا. ولا ولا أي حاجة، خلاص انتهى. الله. إذا مش معنى فالذي رأى أن ملك يبقى يدخل في حوزات تصرفه مالكين رأى أن كلمة ملك أبلغ من مالك. والذي رأى أن مالك لا يتصرف في مال غيره، بل هو جاء ليحافظ على ايه؟ خمسة أشياء. قاعد كده عينه مفتحة لأمته أو لرعيته عشان يحافظ على خمسة أشياء للناس. الدين، والنفس، والعقل، والنسل والمال. مهمة الحاكم جاي يعمل ايه؟ انه يحافظ لي على دول. إذا فهو بيحافظ لي على ما أملك، مش بيتصرف فيما أملك. يبقى جاي ليا. جاي ليا أنا. يبقى يقول لك إذا هنا مالك ابلغ من ملك. انما اقول لك لكن الملك في ظاهر الامر في الدنيا عند الناس بيتصرف في المالكين. فقال لك تبقى ملك ابلغ. ولذلك ربنا هيدينا يقول لك انا تركت كلمه ملك لخلقي يبقى ده ملك وده ملك وده ملك وده يملك لك شيء وده يملك لك شيء لان دي اسباب. دنيا الأسباب. لكن لما نيجي في اليوم الآخر بقى، لا مالك ولا ملك. لا مالك ولا ملك. ولذلك قال لك إيه؟ يوم لا تملك نفس لنفس شيئا. والأمر يومئذ طب ما هو الأمر في كل وقت لله. قال لك لأنه إنما إدى بعض أوامره لخليفته في الأرض. يبقى في دنيا الأسباب اللي إحنا عايشين فيها إدى شيء من عنده لبعض الخلق، إنما في الآخرة لأ. إذا بيطمني على أنك إن بليت بمالك أو بملك يطغى فيك بحكم الأسباب والمسببات لأنه مثلا يملك لك شيئا يقول اللي هيسعدك بقى في الآخرة إن هو بس لوحده مالك يوم الدين أو ملك يوم الدين. فاطمئن الى انك انت في وقت هتخرج فيه من طغيان البشر او من طغيان الذين لا ياتمرون بمنهج الله واطمئن جدا على انك انت ايه؟ ما فيش لا مالك ولا ملك باي معنى انشئتها ان كانت مالك ابلغ ولا ملك ابلغ انما لمن الملك اليوم؟ لله الواحد الايه؟ الواحد القهار.

نص الفقرة — تفريغ آلي

موضوعات هذا المقطع (17)