حقيقة الاستعاذة والالتجاء إلى قدرة الخالق في دفع كيد الشيطان

سورة الفاتحة · الآية 1 · تفسير سورة الفاتحة — الآية 1 · 18:16 – 22:05

نص الفقرة — تفريغ آلي

نتائج من التفريغ الآلي — قد تحتوي على أخطاء

كما يريد الحق سبحانه وتعالى طيب فبتستعيذ بالله من الشيطان فيه مستعاذ به وهو الله مش كده؟ من مين؟ من الشيطان نشوف كده الشيطان مش خلق الله هو خلق الله وانت خلق الله من الممكن لخلق الله ان ينف ان ينفرد بخلق الله ويبقى القوي بقوته ما داموا الاثنين بعيدين عن الخالق لهم انما اي واحد منهم يلتحم بخالقه يبقى الثاني ما يقدرش عليه يبقى يقدر على المتى يقدروا عليه إذا انفرد به دون خالقه. إنما نضرب ولله المثل الأعلى. ولد صغير مع أبوه وأبوه شاب وفتوة كده. وبعدين الولد الصغير شرد شوية من أبوه فشوية صبيان مسكوه يضربوه. قام راح جري على ميل وحاطط كده في إيده كده، يقوموا العيال التانيين يعملوا إيه؟ يخافوا ويمشوا. ليه؟ لأن كانت الأول قوة الصبي مع قوة الصبي. لكن دلوقتي مش قوة الصبي بقى. ده قوة من استعاذ به الصبر. إذا إذا تركت نفسك للشيطان ينفرد بيك. فعلشان تنفد منه تعمل ايه؟ تستعيذ بالله اللي خلق الشيطان. يقوم ده يروح مانع لك العملية من ايه؟ من من أولها. ولذلك حين تجد قوما مع قوم دول مؤمنين دول كافرين مثلا. نقول له إن ظل المؤمنون موصولين بربهم محال أن يهزمهم الكفار. إنما امتى يهزموهم؟ إذا إذا تطرفوا بعيد عن ربنا. حين يتطرفوا بعيد عن ربنا يبقى تيجي هنا الإيه؟ تيجي تبقى القوة والقوة بقى. تبقى تيجي الإيه؟ ولذلك حين يحصل لطائفة من المؤمنين أن تنهزم مع كافرين تقوم تبص في الحتة دي. وكأي من نبي قاتل معه لبيون كثير فما وهنوا لما اصابهم في سبيل وما ضعفوا وما استكانوا والله يحب الصابرين وما كان دعوهم الا ان قالوا ايه؟ اغفر لنا ذنوبنا اه احنا عرفنا هم انفر استفردوا بنا ليه؟ اغفر لنا ذنوبنا واسرافنا في امرنا وثبت اقدامنا وانصرنا على القوم الكافرين يبقى اذا ما بينفرد خلق بخلق تبقى كل قوه واحد بقى الغاوي يغلب انما حين يذهب واحد من الخلق الى خالقه ويرتمي في جانبه وفي احضانه يبقى الثاني ما ايه؟ ما يقدرش عليه ابدا. يبقى اذا يقدر البشر على البشر متى؟ اذا بعدوا عن الله. نقول له طيب عال قوي ولما يكونوا الاثنين موصولين بالله يقول لك ما يتخانقوش. هيتخانقوا ليه؟ الاثنين موصولين بالله ما فيش يبقى في خناق. ده لازم في خناق يبقى حاجه ثانيه خالص. اه. يبقى اذا ساعه ما بتقرا القران تريد أن تصفي جهاز استقبالك. تصفية تتلقى إرسال القرآن. تصفيه بماذا؟ بإنك أنت تبعد نزغ الشيطان عنك وتعرف الحيثيات اللي ربنا قالها فيه والكلام اللي هو قاله، حينئذ تستقبل القرآن بصفاء وتأخذ منه كل عطاء.

نص الفقرة — تفريغ آلي

موضوعات هذا المقطع (23)